அழுகிய நிலையில் முதியவரின் சடலம் மீட்பு

வவுனியா ஓமந்தை நாவற்குளம் பகுதியில் அமைந்துள்ள நீர் நிலையில் இருந்து முதியவர் ஒருவரின் சடலம் செவ்வாய்கிழமை (05) மீட்க்கப்பட்டுள்ளது .

கைவிடப்பட்ட கற்க்குவாரியாக காணப்பட்ட அந்த பகுதியில் சடலம் ஒன்று கிடப்பதாக  பொலிஸாருக்கு  கிடைக்கப்பெற்ற  தகவலுக்கமையவே  பொலிஸார் குறித்த  இடத்திற்கு விரைந்து சடலத்தை மீட்டுள்ளதாக  தெரிவிக்கப்பட்டுள்ளது .

சடலம் அழுகிய நிலையில் உள்ளமையினால்  சில தினங்களிற்கு முன்னராகவே குறித்த நபர்  இறந்திருக்கலாம் என பொலிஸார் சந்தேகம் வெளியிட்டுள்ளனர்.

மேலும்  இச்  சம்பவம் தொடர்பாக விசாரணைகளை முன்னெடுத்து வரும் ஓமந்தை பொலிஸார் சடலத்தை உடற்கூற்று பரிசோதனைக்கு உட்படுத்துவதற்கான நடவடிக்கைகளை முன்னெடுத்துள்ளதாக தெரிவித்துள்ளனர் .

க. அகரன்