வியாழனில் எரிமலை : நாசா தகவல்

வியாழக்கிரகத்தின் நிலவான Io வில் பாரிய எரிமலை இருப்பது கண்டுபிடிக்கப்பட்டுள்ளது. இதனை நாசா நிறுவனத்தின் யூனோ என்ற விண்கலமே இந்த எரிமலையை படம்பிடித்துள்ளது.

இவ் விண்கலமானது வியாழக்கிரகத்திலிருந்து 470,000 கிலோ மீற்றர்கள் தொலைவில் இருந்து Jovian InfraRed Auroral Mapper (JIRAM) எனும் கருவி மூலம் குறித்த எரிமலையைப் படம் பிடித்துள்ளது. எவ்வாறெனினும், Io நிலவில் எரிமலை கண்டுபிடிக்கப்படுவது இது முதன் முறை அல்ல.

சுமார் 150 வரையான செயற்படு நிலையிலுள்ள எரிமலைகள் இதுவரை கண்டுபிடிக்கப்பட்டுள்ளன. அவற்றுள் தற்போது கண்டுபிடிக்கப்பட்ட எரிமலையே மிகவும் வெப்பநிலைக் கூடியது என, தெரிவிக்கப்பட்டுள்ளது. இதேவேளை யூனோ விணக்லமானது 2011 ஆம் ஆண்டு ஆகஸ்ட் மாதம் 5 ஆம் திகதி விண்ணில் ஏவப்பட்டமை குறிப்பிடத்தக்கது.