காப்புறுதிப் பணத்தை பெறுவதற்காக மனைவியை கொலை செய்த நபர்

காப்புறுதிப் பணம் பெறுவதற்காக, தனது மனைவியை கொலை செய்வதற்கு ஒருவரை ஒப்பந்தத்தில் நியமித்த ஒருவருக்கு ருமேனிய நீதிமன்றமொன்று 16 வருடம் 8 மாதங்களும் சிறை தண்டனை விதித்துள்ளது. அத்துடன் ஒப்பந்தத்திற்காக கொலை செய்த நபருக்கு 16 வருட சிறைத்தண்டனை விதிக்கப்பட்டுள்ளது.

சட்டத்தரணியான விக்டர் டியோரெஸ்கு என்பவரே  தனது மனைவி வயலெட்டாவை கொலை செய்வதற்கு தூண்டியுள்ளார்.  அப்பெண் கொலை செய்யப்பட்டால் அவரின் பெயரில் செய்யப்பட்டிருந்த ஆயுள் காப்புறுதி மூலம் 150,000 யூரோக்களை பெற்றுக்கொள்ள முடியுமென அவர் எண்ணியிருந்ததாக நீதிமன்றில் தெரிவிக்கப்பட்டது.

இதற்காக அவர் தனது கட்சிக்காரர் ஒருவரின் மகனான ஏர்வின் விக்டர் பிரெஸ்மெரீனு என்பவரை ஒப்பந்தத்தில் நியமித்தார்.

கடந்த வருடம் வயலேட்டா கழுத்தில் 25 தடவைகள் குத்தப்பட்டு கொலை செய்யப்பட்ட நிலையில் சடலமாக மீட்கப்பட்டார். 
இக்கொலையின்போது விக்டர் பிரெஸ்மெரீனுவின் கைரேகை அடையாளங்கள் கண்டுபிடிக்கப்பட்டு பின்னர் அவர் பொலிஸாரினால் பின்தொடரப்பட்டு கைது செய்யப்பட்டார்.

தான் எவ்வாறு அவ்வீட்டினுள் நுழைய வேண்டும் என்பது  தொடர்பில் தனக்கு வழங்கப்பட்ட அறிவுறுத்தல்கள் அடங்கிய கடிதங்களையும் அவர் விசாரணையின்போது பொலிஸாரிடம் வழங்கியுள்ளார். விக்டர் பிரெஸ்மெரீனுவுக்கு 16 வருடங்கள், 8 மாத சிறைத்தண்டனை விதிக்கப்பட்டுள்ளது.