பச்சைக்கிளிக்கு இறுதிக்கிரியை

31 வருடங்களாக வீடொன்றில் வளர்க்கப்பட்ட கிளியொன்று உயிரிழந்ததை அடுத்து வீட்டு உரிமையாளர்கள் அதற்கு இறுதிக்கிரியை நடத்திய விநோத சம்பவமொன்று மீரிகம பிரதேசத்தில் இடம்பெற்றுள்ளது.

குறித்த கிளிக்கு சவப்பெட்டி தயாரித்ததுடன் பிக்குமார்களை வரவழைத்து இறுதிக் கிரியைகளும் நடத்தப்பட்டதன் பின்னரே மேற்படி கிளியின் உடலம் நல்லடக்கம் செய்யப்பட்டுள்ளது.

இந்த இறுதிக்கிரியை நிகழ்வில் குறித்த வீட்டு உரிமையாளர்கள் மாத்திரமின்றி உறவினர்கள் மற்றும் கிராமவாசிகள் அனைவரும் கலந்துகொண்டிருந்தனர்.

மீரிகம பிரதேசத்தைச் சேர்ந்த எச்.பி.ரணவீர (வயது 61) என்பவருடைய வீட்டிலேயே இந்த கிளி கடந்த 31 வருடங்களாக வளர்க்கப்பட்டு வந்துள்ளமை குறிப்பிடத்தக்கது.