போதையில் டொப்லெஸ்ஸாக வாகனம் செலுத்திய பெண் 205 கி.மீ.வேகத்தில் துரத்திப் பிடிப்பு

மதுபோதையில் டொப்லெஸ்ஸாக - அரை நிர்வாண கோலத்தில் வாகனம் செலுத்திய பெண்ணொருவரை மணித்தியாலத்திற்கு 208 கிலோமீற்றர் (128 மைல்) வேகத்தில் பொலிஸார் துரத்திச் சென்று பிடித்த சம்பவம் அமெரிக்காவில் இடம்பெற்றுள்ளது.

28 வயதான எரின் ஹோல்ட்ஸ்வேர்த் எனும் பெண்ணே இவ்வாறு கைது செய்யப்பட்டுள்ளார். 

ஒஹையோ மாநிலத்தின் வீதியொன்றில், இரவு நேரத்தில் மதுபோதையில் காரொன்றை செலுத்திய இப்பெண், பொலிஸாரிடமிருந்து தப்புவதற்காக அதிவேமாக சென்றார். 205 கிலோமீற்றர் வேகத்தில் துரத்திச் சென்றபோதும் அக்காரை நிறுத்துவதற்கு பொலிஸார் தடுமாறினர்.

பின்னர் தொலைதொடர்புசாதனங்கள் மூலம் இருவரை உதவிக்கு அழைத்து, அப்பெண்ணின் கார் சென்ற வழியில் டயர்களை பஞ்சராக்கும் வகையில் கம்பிகளை வைக்கச் செய்தே அக்காரை பொலிஸாரால்  நிறுத்தமுடிந்தது.

இறுதியில், காரிலிருந்து அப்பெண் வெளியே வந்தபோதுபொலிஸார் மேலும் அதிர்ந்தனர். அப்பெண் இடுப்புக்குமேல் ஆடை எதுவும் அணிந்திருக்கவில்லை. உள்ளாடை, ஸ்டொக்கிங்ஸ், மற்றும் சப்பாத்து என்பனவற்றை மாத்திரமே அணிந்திருந்தார்.

அவரை பொலிஸார் கைது செய்து கைவிலங்குமாட்டியவுடன் அப்பெண் முரண்டுபிடிக்கத் தொடங்கினார்.  பொலிஸ் காரில் அழைத்துச் செல்லப்பட்டபோது ஜன்னல் ஒன்றையும் அவர் எட்டி உதைத்தாக பொலிஸ் அதிகாரிகள் தெரிவித்துள்ளனர்.

மூன்று பிள்ளைகளின் தாயான இப்பெண் கடந்த புதன்கிழமை நீதிமன்றில் ஆஜர்படுத்தப்பட்டார். மதுபோதையுடன் வாகனம் செலுத்தியமை, அதிவேகமாக வாகனம் செலுத்தியமை பொலிஸாரிடமிருந்து தப்பியோடியமை, இரத்தப் பரிசோதனைக்கு மறுத்தமை உட்பட பல குற்றச்சாட்டுகள் சுமத்தப்பட்டுள்ளன.

இவர் ஏற்கெனவே மதுபோதையுடன் வாகனம் செலுத்தியதாக கைதுசெய்யப்பட்டிருந்தார். இதனால் கைதுசெய்யப்படும்போது, நீதிமன்ற உத்தரவின்பேரில் கணுக்காலில் கண்காணிப்புக் கருவியொன்றையும் அவர் பொருத்தியிருந்ததாகவும் அதிகாரிகள் தெரிவித்துள்ளனர்.