அஸாருதீனின் மருமகன் விபத்தில் பலி; மகன் உயிருக்குப் போராட்டம்

இந்திய கிரிக்கெட் அணியின் முன்னாள் தலைவரும் நாடாளுமன்ற உறுப்பினருமான மெஹாமட் அஸாருதீனின் மகனான மொஹமட் அயாஸுதீன் வாகன விபத்தொன்றில் சிக்கி படுகாயமடைந்துள்ளார். அயாஸுதீன் வைத்தியசாலையில் உயிருககு போராடி வருவதகா தெரிவிக்கப்படுகிறது.

எனினும் இவ்விபத்தில் சிக்கிய, அஸாருதீனின் மருமனான அஸ்மல் உர் ரஹ்மான் உயிரிழந்துள்ளார்.

அயாஸுதீன் மோட்டார் சைக்கிளை அதிவேகமாக ஓட்டிச்சென்றபோது கட்டுப்பாட்டை இழந்து சரிந்து வீழ்ந்து சிறிது தூரம் இழுத்துச்செல்லப்பட்டதாhக பொலிஸார் தெரிவிக்கின்றனர் ஹைதராபாத்தில் நேற்று ஞாயிற்றுக்கிழமை காலை இவ்விபத்து இடம்பெற்றுள்ளது.  

இவ்விபத்து இடம்பெற்றபோது மொஹமட் அஸாருதீன் லண்டனிலும் அவரின் மனைவி துபாயிலும் இருந்தனர். விபத்து குறித்து அறிந்த அஸாருதீன் உடனடியாக இந்தியாவுக்குத் திரும்பினார்.

அயாஸுதீன் யூஸுப்குடாவிலுள்ள சென் மேரிஸ் கல்லூரியில் உயர்தர இரண்டாம் வருட மாணவர் ஆவார்.

16 வயதான அஸ்மல் உர் ரஹ்மான் அதே கல்லூரியில் இடைநிலை வகுப்பு மாணவர் ஆவார். இவர் முன்னாள் நாடாளுமன்ற உறுப்பினர் கலீல் உர் ரஹ்மானினது பேரனும் மொஹமட் அஸாருதீனின் சகோதரியின் மகனுமாவார்.