ஐஸ்வர்யா ராய்க்கு முன்னாள் காதலர் சல்மான் கான் வாழ்த்து

கர்ப்பிணியாகவுள்ள நடிகை ஐஸ்வர்யா ராய்க்கு அவரின் முன்னாள் காதலரான சல்மான் கான் வாழ்த்து தெரிவத்துள்ளார்.

'தாத்தாவாகப் போகும் (அமிதாப்) பச்சனுக்கு நான் வாழ்த்துத் தெரிவிக்கிறேன். அபிஷேக், ஐஸ்வர்யா ஆகியோரையும் வாழ்த்துகிறேன். அவர்கள் வீட்டில் முழு கால்பந்தாட்ட அணியொன்றையே உருவாக்குவார்கள் என நம்புகிறேன்' என வைபவமொன்றில் கலந்துகொண்டபோது சல்மான் கான் செய்தியாளர்களிடம் தெரிவித்துள்ளார்.

1999 ஆம் ஆண்டு சல்மான் கானும் ஐஸ்வர்யா ராயும் காதலிக்க ஆரம்பித்தனர். ஊடகங்களில் இவ்விருவரையும் பற்றிய ஏராளமான செய்திகள் வெளியாகின. ஆனால் 2001 ஆம் ஆண்டு இவ்விருவரும் பிரிந்தனர்.

அதன்பின் விவேக் ஒபரோய் ஐஸ்வர்யா  ராயும் காதலித்தனர். அக்காலத்தில் சல்மான்கானுக்கும் விவேக் ஒபரோய்- ஐஸ்வர்யா ஜோடிக்கும் இடையில் கடும் முறுகல் நிலவியது. பின்னர் விவேக் ஒபரோய் - ஐஸ்வர்யா ஜோடியும் பிரிந்தது.

2007 ஆம் ஆண்டு அபிஷேக் பச்சனை ஐஸ்வர்யா ராய் திருமணம் செய்தமை குறிப்பிடத்தக்கது.