'இத்தாலிய பிரதமர் ஒரு நாளில் 5 தடவை உறவுகொள்ளும் ஆற்றல் கொண்டவர்'

இத்தாலிய பிரதமர்  சில்வியோ பேர்லுஸ்கோனி ஒரு நாளில் 5 தடவைகள் பாலியல் உறவுகொள்ளும் ஆற்றலை கொண்டுள்ளதாக அவரின் மருத்துவர் தெரிவித்துள்ளார்.

74 வயதான சில்வியோ பேர்லுஸ்கோனி தன்னைவிட 15 வயது குறைந்த ஆண்கள் கொண்டிருக்கும் பாலியல் உந்துதலை கொண்டு விளங்குவதாக அவரது மருத்துவரான உம்பேர்ட்டோ ஸ்காப்க்னினி தெரிவித்துள்ளார்.

இத்தாலிய பிரதமர் பேர்லுஸ்கோனி விபச்சாரிகளுடன் தொடர்பு வைத்திருந்ததாக குற்றம் சுமத்தப்பட்டுள்ளமை குறிப்பிடத்தக்கது.

இந்நிலையில் அவரின் வாசஸ்தலத்தில் பதிவுசெய்யப்பட்ட 'விபசார நிலையம்' எனப் பெயரிடப்பட்ட வீடியோ காட்சி தொடர்பான வழக்கை இத்தாலிய நீதிமன்றம் விசாரணைக்கு எடுத்துக்கொண்ட தினத்தில் இந்நாட்டு வானொலியொன்றில் மேற்படி தகவல்களை வைத்தியர் ஸ்காப்க்னினி தெரிவித்தார்.

'புங்கா புங்கா விருந்து' எனப்படும் சில்வியோவின் கேளிக்கை நிகழ்ச்சியின்போது அரசியல்வாதியான கரிமா எல் மஹ்ரோக் எனும் பெல்லி டான்ஸ் அழகி சில்வியோவை மகிழ்விப்பதற்காக அரசியல்வாதியான நிகோல் மினேட்டியுடன்  முத்தமொன்றை பகிர்ந்துக்கொண்டார். அப்போது கரிமா 17 வயது மட்டுமேயான இளம்பெண் என்பதால் இவ்விவகாரமும் சர்ச்சையை ஏற்படுத்தியுள்ளது.

இந்த விருந்துபசாரத்திற்கு மினேட்டி பெண்களை வாடகைக்கு அமர்த்தியிருந்ததாக தெரிவிக்கப்படுகிறது. பெண்களை வேலைக்கு அமர்த்தியிருந்தனர்.

சில விருந்துகளில் 33 பெண்கள் கலந்துகொண்டுள்ளனர். இந்த எண்ணிக்கை தன்னிலும் பாதி வயதான ஆண்களுக்குக்கூட அதிகமாகும் என பேர்லுஸ்கோனி கூறியுதாக தெரிவிக்கப்படுகிறது.

இது தொடர்பான தொலைபேசி உரையாடல்கள் முதலானவை இடைமறிக்கப்பட்டு விசாரணைகள் நடைபெறுகின்றன.

இந்நிலையில் சுமார் 60 வயதான ஆண்களுக்குரிய பாலியல்உந்துதலை பேர்லுஸ்கோனி கொண்டுள்ளதாக மருத்துவர் ஸ்காப்க்னினி கூறியுள்ளார்.