‘மனிதா நீ மனிதன்போல் நட’

‘தெய்வ ஆக்ஞை’ எனும் கட்டளை எதுவென்று எல்லோருக்கும் தெரியாதது அல்ல. “மனிதா நீ மனிதன்போல் நட” என்பதுவே இறைவன் எமக்கு இட்ட அன்பான வேண்டுகோளாகும். 

உனக்கு நீ ஆத்ம துரோகம் செய்யாதே! அதேபோல் எந்த உயிரும் உன்னால் துன்பமுறச் செய்ய வேண்டாம். பிறருக்கு ஊறு செய்யாமல், நீ ஆசைப்பட்ட நல்ல வாழ்வைத் தேடிக்கொள், என்ற நல்ல பண்புகள் மனிதரிடத்தில் குடிகொண்டால் ஏது துன்பம்? 

இவைகள் எப்படிச் சாத்தியப்படும் என்றும் சிலர் கேட்கலாம். பக்தி, அன்பினால் மட்டுமே நாம் சகல சம்பத்துகளையும் பெற்று உய்யலாம். 

அன்பினால் மட்டுமே தியாகம் சாத்தியமாகும்; தன்னலம் மட்டுமே நமது கொள்கையல்ல எனும் பண்பு மேலோங்கும். தான் ஆசைப்பட்டுச் சேர்த்த பொருள்கள், செல்வங்களைக் கூட, தானம் செய்யும் குணம் அன்பினால் மட்டுமே நிறைவேற்றப்படும்.அன்பை உள்ளத்தில் உற்பத்தி செய்வீர்களாக.

   வாழ்வியல் தரிசனம் 10/08/2017

- பருத்தியூர் பால. வயிரவநாதன்