தடையையும் மீறி கிளிநொச்சியில் பேரணி

பொத்துவில் தொடக்கம் பொலிகண்டி வரைக்குமான  மாபெரும் பேரணியானது, இன்று
(07) காலை, கிளிநொச்சி டிப்போ சந்தியிலிருந்து ஆரம்பித்து, பொலிகண்டி
நோக்கி பயணித்தது.

கிளிநொச்சி நீதவான் நீதிமன்ற எல்லைக்குட்பட்ட பகுதியில் போராட்டங்கள், ஊர்வலங்கள், பேரணிகள்,  வாகன ஊர்வலம் என எதனையும் மேற்கொள்ள வேண்டாம் என தடை விதிக்கப்பட்டுள்ள போதும், இன்று பேரணி முன்னெடுக்கப்பட்டது.

இதன்போது, கிளிநொச்சி கந்தசுவாமி கோவில் முன்றலில்  வைத்து, வலிந்து காணாமல்
ஆக்கப்பட்டோரின் உறவினர்கள் மற்றும் பயங்கரவாத  தடைச் சட்டத்தின் கீழ்
கைதுசெய்யப்பட்டவர்களின் உறவினர்கள் ஆகியோர் போராட்டத்தை முன்னெடுத்து,  பின்னர் பேரணியில் கலந்துகொண்டனர்