மின் துண்டிப்பு; பொதுமக்கள் பாதிப்பு

சண்முகம் தவசீலன்

நாடளாவிய ரீதியில் தொடர்ச்சியாக இடம்பெறும் மின்வெட்டானது முல்லைத்தீவு  மாவட்டத்திலும் பல்வேறு பாதிப்புக்களை ஏற்படுத்தியுள்ளது.

வர்த்தக நிலையங்கள், அரச மற்றும் அரச சார்பற்ற நிறுவனங்கள், பாடசாலை மாணவர்கள் எனப் பலரையும் கடுமையாக பாதித்துள்ளது.

குறிப்பாக, வர்த்தக நிலையங்களில் குளீரூட்டியில் இருக்க வேண்டிய சில பொருள்கள் பழுதடைவதாகவும் மின்பிறப்பாக்கிகளை பாவிப்பதற்கும் எரிபொருள் பெற்றுக்கொள்வதில் சிக்கல் நிலை காணப்படுகின்றமையால் தாம் பெரிதும் பாதிக்கப்படுவதாக வர்த்தகர்கள் தெரிவிக்கின்றனர்.

இதனை விட பாடசாலை மாணவர்கள் கல்வி கற்பதற்கும் பாரிய இடர்பாடுகளை எதிர்கொண்டுள்ளனர். இவ்வாறு மின்வெட்டானது முல்லைத்தீவு  மாவட்டத்திலும் பல்வேறு தரப்பினருக்கும் பாதிப்புக்களை ஏற்படுத்தியுள்ளது.