வீதியை செப்பனிட கோரி ஆர்ப்பாட்டம்

லிந்துலை தொடக்கம் டயகம வரை பத்து வருடங்களுக்கு மேலாக பழுதடைந்துள்ள பிரதான வீதியை செப்பனிட்டு தருமாறு கோரிக்கை விடுத்துள்ள தனியார் பஸ் உரிமையாளர்கள்,சாரதிகள் மற்றும் நடத்துனர்கள் சங்கத்தினர் கவனயீர்ப்பு போராட்டமொன்றை செவ்வாய்க்கிழமை (18) முன்னெடுத்திருந்தனர்.

போராட்டம் காரணமாக டயகம தொடக்கம் தலவாக்கலை வரையிலான மன்றாசி,போபத்தலாவ, ஹோல்புரூக், திஸ்பன வழியாக நுவரெலியா, நாகசேணை, இரான்வத்தை மற்றும் லிந்துலை வழியூடான தலவாக்கலை வரையிலான தனியார் பஸ் சேவை பாதிக்கப்பட்டிருந்தமை குறிப்பிடத்தக்கது.

ஆ.ரமேஸ்