வாகன விபத்தில் ஏழு பேர் காயம்

கொழும்பு - கண்டி பிரதான வீதி கேகாலை மொலகொட பிரதேசத்தில் இரண்டு கார்கள் ஒன்றுடன் ஒன்று மோதி விபத்துக்குள்ளான சம்பவம் ஞாயிற்றுக்கிழமை (18) பிற்பகல் இடம்பெற்றுள்ளது .

விபத்தில் , கண்டி, பிலிமதலாவ தந்துரே பிரதேசத்தை சேர்ந்த மூவரும் , கொழும்பு , களனி பிரதேசத்தை சேர்ந்த நால்வருமாக 7 பேர் காயமடைந்த நிலையில் கேகாலை பொது வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

இரண்டு கார்களிலும் பயணித்த 8 மாத குழந்தை , 18 மாத குழந்தை , மூன்று பெண்கள் மற்றும் இரண்டு ஆண்கள் இவ்வாறு காயமடைந்துள்ளதாக தெரிவிக்கப்பட்டுள்ளது .

கண்டியில் இருந்து கொழும்பு நோக்கி பயணித்த காரின் சாரதிக்கு ஏற்பட்ட தூக்க கலக்கம் விபத்துக்கு காரணம் எனவும் , இது தொடர்பான மேலதிக விசாரணைகளை மேற்கொண்டு வருவதாகவும் பொலிஸார் தெரிவித்தனர் .