சா/த விடைத்தாள் வேனை மறித்த ஓட்டோ

தற்போது நடைபெற்றுக்கொண்டிருக்கும் கல்விப்பொதுத் தராதர சாதாரண பரீட்சையில், செவ்வாய்க்கிழமை (18) நடைபெற்ற பரீட்சைக்கான விடைத்தாள்களை ஏற்றிவந்த வேனை, முச்சக்கரவண்டியொன்று மறித்துள்ளது. அந்த முச்சக்கரவண்டியின் சாரதி, அந்த வேனில் பயணித்த, அதிகாரிகளையும் திட்டியுள்ளார்.

இந்த சம்பவம், ஹட்டன்-புளியாவத்தை பகுதியிலேயே இடம்பெற்றுள்ளது.

ஹட்டன் ஸ்ரீ பாத வித்தியாலயத்தில் உள்ள பரீட்சை ஒருங்கிணைப்பு நிலையத்திற்கு க.பொ.த சாதாரண தரப் பரீட்சை விடைத்தாள்களை ஏற்றிச் சென்ற வேன், முச்சக்கர வண்டியுடன் மோதியதாகவும், முச்சக்கர வண்டி ஓட்டுநர் வேனில் பயணித்த பரீட்சை நிலையத்தின் கண்காணிப்பாளர் மற்றும் துணை கண்காணிப்பாளரை திட்டியுள்ளார். இந்த சம்பவம் தொடர்பில் நோர்வூட் பொலிஸார் விசாரணைகளை ஆரம்பித்துள்ளனர்.

நோர்வூட் பொலிஸ் பிரிவின் புளியாவத்தை பரீட்சை நிலையத்தில் செவ்வாய்க்கிழமை (18) நடைபெற்ற க.பொ.த சாதாரண தரப் பரீட்சை நிறைவடைந்த பின்னர், ஸ்ரீபாத வித்தியாலயத்தில் அமைந்துள்ள பரீட்சை ஒருங்கிணைப்பு மையத்திற்கு விடைத்தாள்களை வழங்குவதற்காக பொறுப்பதிகாரிகள் தனியார் வேனில் பயணித்துக் கொண்டிருந்தார். முச்சக்கர வண்டி ஓட்டுநர் புளியவத்தை பாடசாலையின் பிரதான வாயிலை மறித்ததை அடுத்து, முச்சக்கர வண்டியை வாயிலிலிருந்து அகற்றுமாறு  கோரிக்கை விடுத்துள்ளனர்.

முச்சக்கர வண்டி அப்புறப்படாததால், தேர்வு மண்டப கண்காணிப்பாளர் வீதியை மறித்து நின்ற முச்சக்கர வண்டியில் மோதாமல் மிகுந்த சிரமத்துடன் தனது வேனை முன்னோக்கி ஓட்ட வேண்டியிருந்தது.

பின்னர் முச்சக்கர வண்டி ஓட்டுநர் சுமார் 500 மீட்டர் தூரம் வேனைப் பின்தொடர்ந்து சென்று, முச்சக்கர வண்டியை நிறுத்தி, பின்னர் வேனில் இருந்த கண்காணிப்பாளர் மற்றும் துணை கண்காணிப்பாளரை வார்த்தைகளால் திட்டியதாக தேர்வு மண்டப கண்காணிப்பாளர் நோர்வூட் பொலிஸில் முறைப்பாடு செய்துள்ளார்.   

இது குறித்து நாங்கள் விசாரித்தபோது, ​​நோர்வூட் பொலிஸ் நிலைய அதிகாரி, சம்பந்தப்பட்ட முச்சக்கர வண்டி ஓட்டுநர் அடையாளம் காணப்பட்டுள்ளதாகவும், அவர் புளியாவத்த தமிழ் வித்தியாலயத்துக்கு அருகில் முச்சக்கர வண்டி ஓட்டிச் சென்ற ஒருவர் என்றும் கூறினார்.

பாடசாலை வாயிலை மறிப்பது தொடர்பாக பரீட்சை மண்டப கண்காணிப்பாளருக்கும் முச்சக்கர வண்டி ஓட்டுநருக்கும் இடையே வார்த்தை பிரயோகம் நடந்ததாகவும், கோபமடைந்த முச்சக்கர வண்டி ஓட்டுநர் வேனை துரத்திச் சென்று மறித்ததாகவும் கூறப்படுகிறது.

ரஞ்சித் ராஜபக்ஷ