காத்தான்குடி முழுமையாக விடுவிப்பு

எம்.எஸ்.எம்.நூர்தீன்

காத்தான்குடி சுகாதார வைத்திய அதிகாரி பிரிவுக்குட்பட்ட 4 வீதிகள், இன்று (01) அதிகாலை 5 மணியுடன் தனிமைப்படுத்தலில் இருந்து விடுவிக்கப்பட்டுள்ளன. இதன்மூலம் காத்தான்குடி முழுமையாக விடுவிக்கப்பட்டுள்ளது.

இதற்கமைய, மோதினார் ஒழுங்கை, கபூர் வீதி, சின்னதோனா வீதி, டெலிகொம் வீதி-முதலாம் குறுக்கு தெரு ஆகியன தனிமைப்படுத்தலில் இருந்து விடுவிக்கப்பட்டுள்ளன.

கொரோனா வைரஸ் பரவல் அச்சம்  காரணமாக 31.12.2020 முதல் காத்தான்குடி தனிமைப்படுத்தப்பட்டு இரு கட்டங்களாக விடுவிக்கப்பட்டு, மேற்படி 4  வீதிகள் மாத்திரம் தனிமைப்படுத்தப்பட்டிருந்தன.