யுனைட்டெட்டுக்காக மீண்டும் விளையாடுவதை கைவிடாத றஷ்ஃபோர்ட்

இங்கிலாந்து பிறீமியர் லீக் கால்பந்தாட்டக் கழகமான மன்செஸ்டர் யுனைட்டெட்டுக்காக மீண்டும் விளையாடும் அனைத்து நம்பிக்கையையும் அவ்வணியின் முன்களவீரரான மார்க்கஸ் றஷ்ஃபோர்ட் கைவிடவில்லை.

கடந்த 2024ஆம் ஆண்டு டிசெம்பர் மாதம் 12ஆம் திகதிக்குப் பின்னர் யுனைட்டெட்டுக்காக 27 வயதான றஷ்ஃபோர்ட் விளையாடியிருக்கவில்லை. இதன் பின்னர் றஷ்ஃபோர்ட்டின் பயிற்சி செயற்பாடுகள் தலைமைப் பயிற்றுவிப்பாளர் ருபென் அமோரிம்மால் கேள்விக்குட்படுத்தப்பட்டிருந்தன.