மூன்றாமிடத்துக்கு முன்னேறிய தீக்‌ஷன

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான பந்துவீச்சாளர்களின் தரவரிசையில் மூன்றாமிடத்துக்கு இலங்கையின் மகேஷ் தீக்‌ஷன முன்னேறியுள்ளார்.

மேற்கிந்தியத் தீவுகளுக்கெதிரான மூன்றாவது போட்டியில் 2 விக்கெட்டுகளைக் கைப்பற்றியதைத் தொடர்ந்தே ஐந்தாமிடத்திலிருந்து இரண்டு இடங்கள் முன்னேறி மூன்றாமிடத்தையடைந்துள்ளார்.

இதேவேளை இப்போட்டியில் 2 விக்கெட்டுகளைக் கைப்பற்றிய இலங்கையின் வனிது ஹசரங்க ஏழாமிடத்திலிருந்து ஓரிடம் முன்னேறி ஆறாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. அடில் ரஷீட், 2. குடகேஷ் மோட்டி, 3. மகேஷ் தீக்‌ஷன, 4. அகீல் ஹொஸைன், 5. ரஷீட் கான், 6. வனிது ஹசரங்க, 7. அடம் ஸாம்பா, 8. பஸல்ஹக் பரூக்கி, ரவி பிஷ்னோய், 10. அன்றிச் நொர்கியா.

இந்நிலையில் மேற்குறித்த போட்டியில் 39 ஓட்டங்களைப் பெற்ற இலங்கையின் பதும் நிஸங்க, துடுப்பாட்டவீரர்களின் தரவரிசையில் 12ஆம் இடத்திலிருந்து நான்கு இடங்கள் முன்னேறி எட்டாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ட்ரெவிஸ் ஹெட், 2. சூரியகுமார் யாதவ், 3. பில் ஸோல்ட், 4. பாபர் அஸாம், 5. மொஹமட் றிஸ்வான், 6. யஷஸ்வி ஜைஸ்வால், 7. ஜொஸ் பட்லர், 8. பதும் நிஸங்க, 9. பிரெண்டன் கிங், 10. ஜொஷ் இங்லிஸ்.

முதல் ஐந்து சகலதுறைவீரர்களின் தரவரிசை பின்வருமாறு,

1. லியம் லிவிங்ஸ்டோன், 2. டிபேந்திர சிங் ஐரீ, 3. ஹர்திக் பாண்டியா, 4. மார்க்கஸ் ஸ்டொய்னிஸ், 5. மொஹமட் நபி.

இதேவேளை நியூசிலாந்துக்கெதிரான முதலாவது டெஸ்டில் 119 ஓட்டங்களைப் பெற்ற இந்தியாவின் றிஷப் பண்ட் துடுப்பாட்டவீரர்களின் தரவரிசையில் ஒன்பதாமிடத்திலிருந்து மூன்று இடங்கள் முன்னேறி ஆறாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. கேன் வில்லியம்சன், 3. ஹரி ப்றூக், 4. யஷஸ்வி ஜைஸ்வால், 5. ஸ்டீவன் ஸ்மித், 6. றிஷப் பண்ட், 7. உஸ்மான் கவாஜா, 8. விராட் கோலி, மர்னுஸ் லபுஷைன், 10. கமிந்து மென்டிஸ்.

இந்நிலையில் மேற்குறிப்பிட்ட போட்டியில் 8 விக்கெட்டுகளைக் கைப்பற்றிய நியூசிலாந்தின் வேகப்பந்துவீச்சாளர் மற் ஹென்றி 11ஆம் இடத்திலிருந்து இரண்டு இடங்கள் முன்னேறி ஒன்பதாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. இரவிச்சந்திரன் அஷ்வின், 3. ஜொஷ் ஹேசில்வூட், 4. பற் கமின்ஸ், ககிஸோ றபாடா, 6. நேதன் லையன், இரவீந்திர ஜடேஜா, பிரபாத் ஜெயசூரிய, 9. மற் ஹென்றி, 10. கைல் ஜேமிஸன்.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. இரவிச்சந்திரன் அஷ்வின், 3. ஷகில் அல் ஹஸன், 4. ஜோ றூட், 5. மெஹிடி ஹஸன் மிராஸ்.