2025 ஏப்ரல் 06, ஞாயிற்றுக்கிழமை

மூன்றாமிடத்துக்கு முன்னேறிய கமின்ஸ்

Shanmugan Murugavel   / 2025 ஜனவரி 01 , பி.ப. 02:21 - 0     - {{hitsCtrl.values.hits}}

சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சாளர்களின் தரவரிசையில் மூன்றாமிடத்துக்கு அவுஸ்திரேலியாவின் அணித்தலைவர் பற் கமின்ஸ் முன்னேறியுள்ளார்.

இந்தியாவுக்கெதிரான நான்காவது டெஸ்டில் 6 விக்கெட்டுகளைக் கைப்பற்றியமையைத் தொடர்ந்தே நான்காமிடத்திலிருந்து ஓரிடம் முன்னேறி மூன்றாமிடத்தையடைந்துள்ளார்.

இதேவேளை பாகிஸ்தானுக்கெதிரான முதலாவது டெஸ்டில் 7 விக்கெட்டுகளைக் கைப்பற்றிய தென்னாபிரிக்காவின் மார்கோ ஜன்சன், 11ஆம் இடத்திலிருந்து ஆறு இடங்கள் முன்னேறி ஐந்தாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

  1. ஜஸ்பிரிட் பும்ரா, 2. ஜொஷ் ஹேசில்வூட், 3. பற் கமின்ஸ், 4. ககிஸோ றபாடா, 5. மார்கோ ஜன்சன், 6. மற் ஹென்றி, 7. நேதன் லையன், 8. பிரபாத் ஜெயசூரிய, 9. நோமன் அலி, 10. இரவீந்திர ஜடேஜா.

இந்தியாவுக்கெதிரான போட்டியில் 90 ஓட்டங்களையும் பெற்ற கமின்ஸ், சகலதுறைவீரர்களுக்கான தரவரிசையில் ஏழாமிடத்திலிருந்து நான்கு இடங்கள் முன்னேறி மூன்றாமிடத்தையடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

  1. இரவீந்திர ஜடேஜா, 2. மெஹிடி ஹஸன் மிராஸ், 3. பற் கமின்ஸ், 4. மார்கோ ஜன்சன், 5. ஷகிப் அல் ஹஸன்.

இதேவேளை அவுஸ்திரேலியாவுக்கெதிரான இப்போட்டியில் 166 ஓட்டங்களைப் பெற்ற இந்தியாவின் யஷஸ்வி ஜைஸ்வால், துடுப்பாட்டவீரர்களின் தரவரிசையில் ஐந்தாமிடத்திலிருந்து ஓரிடம் முன்னேறி நான்காமிடத்தையடைந்துள்ளார்.

இந்நிலையில் தென்னாபிரிக்காவுக்கெதிரான முதலாவது டெஸ்டில் 98 ஓட்டங்களைப் பெற்ற பாகிஸ்தானின் செளட் ஷகீல், ஒன்பதாமிடத்திலிருந்து மூன்று இடங்கள் முன்னேறி ஆறாமிடத்தையடைந்துள்ளார்.

இதுதவிர இந்தியாவுக்கெதிரான போட்டியில் 153 ஓட்டங்களைப் பெற்ற அவுஸ்திரேலியாவின் ஸ்டீவன் ஸ்மித், 10ஆம் இடத்திலிருந்து மூன்று இடங்கள் முன்னேறி ஏழாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

  1. ஜோ றூட், 2. ஹரி ப்றூக், 3. கேன் வில்லியம்சன், 4. யஷஸ்வி ஜைஸ்வால், 5. ட்ரெவிஸ் ஹெட், 6. செளட் ஷகீல், 7. ஸ்டீவன் ஸ்மித், 8. கமிந்து மென்டிஸ், 9. தெம்பா பவுமா, 10. டரைல் மிற்செல்.

இந்நிலையில் நியூசிலாந்துக்கெதிரான முதலிரண்டு இருபதுக்கு – 20 சர்வதேசப் போட்டிகளிலும் 127 ஓட்டங்களைப் பெற்ற இலங்கையின் பதும் நிஸங்க, துடுப்பாட்டவீரர்களுக்கான தரவரிசையில் ஒன்பதாமிடத்திலிருந்து மூன்று இடங்கள் முன்னேறி ஆறாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

  1. ட்ரெவிஸ் ஹெட், 2. பில் ஸோல்ட், 3. திலக் வர்மா, 4. சூரியகுமார் யாதவ், 5. ஜொஸ் பட்லர், 6. பதும் நிஸங்க, 7. பாபர் அஸாம், 8. யஷஸ்வி ஜைஸ்வால், 9. மொஹமட் றிஸ்வான், 10. றீஸா ஹென்ட்றிக்ஸ்.

இதேவேளை இலங்கைக்கெதிரான இரண்டாவது போட்டியில் 2 விக்கெட்டுகளைக் கைப்பற்றிய நியூசிலாந்தின் அணித்தலைவர் மிற்செல் சான்ட்னெர், பந்துவீச்சாளர்களின் தரவரிசையில் 14ஆம் இடத்திலிருந்து ஐந்து இடங்கள் முன்னேறி ஒன்பதாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

  1. அகீல் ஹொஸைன், 2. அடில் ரஷீட், 3. வனிது ஹசரங்க, 4. அடம் ஸாம்பா, 5. மகேஷ் தீக்‌ஷன, 6. ரவி பிஷ்னோய், 7. ரஷீட் கான், 8. அர்ஷ்டீப் சிங்க். 9. மிற்செல் சான்ட்னெர், குடகேஷ் மோட்டி.

முதல் ஐந்து சகலதுறைவீரர்களின் தரவரிசை பின்வருமாறு,

  1. ஹர்திக் பாண்டியா, 2. டிபேந்திர சிங் ஐரீ, 3. லியம் லிவிங்ஸ்டோன், 4. மார்க்கஸ் ஸ்டொய்னிஸ், 5. மொஹமட் நபி.

You May Also Like

  Comments - 0


அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .

X

X