மூன்றாமிடத்துக்கு முன்னேறிய ஓமர்ஸாய்

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான சகலதுறைவீரர்களுக்கான தரவரிசையில் மூன்றாமிடத்துக்கு ஆப்கானிஸ்தானின் அஸ்மதுல்லாஹ் ஓமர்ஸாய் முன்னேறியுள்ளார்.

சிம்பாப்வேக்கெதிரான இறுதி இரண்டு போட்டிகளிலும் 2 விக்கெட்டுகளைக் கைப்பற்றியமையைத் தொடர்ந்தே எட்டாமிடத்திலிருந்து ஐந்து இடங்கள் முன்னேறி மூன்றாமிடத்தை ஓமர்ஸாய் அடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. மொஹமட் நபி, 2. சிகண்டர் ராசா, 3. அஸ்மதுல்லாஹ் ஓமர்ஸாய், 4. மெஹிடி ஹஸன் மிராஸ், 5. ரஷீட் கான்.

இதேவேளை பாகிஸ்தானுக்கெதிரான இறுதி இரண்டு போட்டிகளிலும்178 ஓட்டங்களைப் பெற்ற தென்னாபிரிக்காவின் ஹென்றிச் கிளாசென், 13ஆம் இடத்திலிருந்து எட்டு இடங்கள் முன்னேறி ஐந்தாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. பாபர் அஸாம், 2. றோஹித் ஷர்மா, 3. ஷுப்மன் கில், 4. விராட் கோலி, 5. ஹென்றிச் கிளாசென், 6. ஹரி டெக்டர், 7. டரைல் மிற்செல், 8. ஷே ஹோப், ரஹ்மனுல்லாஹ் குர்பாஸ், 10. பதும் நிஸங்க.

முதல் 10 பந்துவீச்சாளர்களின் தரவரிசை பின்வருமாறு,

1. ரஷீட் கான், 2. குல்தீப் யாதவ், 3. ஷகீன் ஷா அஃப்ரிடி, 4. கேஷவ் மஹராஜ், பெர்னார்ட் ஸ்கொல்ட்ஸ், 6. மகேஷ் தீக்‌ஷன, 7. ஜஸ்பிரிட் பும்ரா, 8. மொஹமட் சிராஜ், 9. அடம் ஸாம்பா, 10. ஜொஷ் ஹேசில்வூட்.

இந்நிலையில் இந்தியாவுக்கெதிரான மூன்றாவது டெஸ்டில் 169 ஓட்டங்களைப் பெற்ற அவுஸ்திரேலியாவின் ட்ரெவிஸ் ஹெட், துடுப்பாட்டவீரர்களின் தரவரிசையில் ஐந்தாமிடத்திலிருந்து ஓரிடம் முன்னேறி நான்காமிடத்தையடைந்துள்ளார்.

குறித்த போட்டியில் 105 ஓட்டங்களைப் பெற்ற அவுஸ்திரேலியாவின் ஸ்டீவன் ஸ்மித், 11ஆம் இடத்திலிருந்து ஓரிடம் முன்னேறி 10ஆம் இடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. ஹரி ப்றூக், 3. கேன் வில்லியம்சன், 4. ட்ரெவிஸ் ஹெட், 5. யஷஸ்வி ஜைஸ்வால், 6. கமிந்து மென்டிஸ், 7. தெம்பா பவுமா, 8. டரைல் மிற்செல், 9. செளட் ஷகீல், 10. ஸ்டீவன் ஸ்மித்.

மேற்படி டெஸ்டில் ஒரு விக்கெட்டைக் கைப்பற்றிய அவுஸ்திரேலியாவின் நேதன் லையன், பந்துவீச்சாளர்களின் தரவரிசையில் எட்டாமிடத்திலிருந்து ஓரிடம் முன்னேறி ஏழாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. ககிஸோ றபாடா, 3. ஜொஷ் ஹேசில்வூட், 4. பற் கமின்ஸ், 5. இரவிச்சந்திரன் அஷ்வின், 6. மற் ஹென்றி, 7. நேதன் லையன், 8. பிரபாத் ஜெயசூரிய, 9. நொமன் அலி, 10. இரவீந்திர ஜடேஜா.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. மெஹிடி ஹஸன் மிராஸ், 3. இரவிச்சந்திரன் அஷ்வின், 4. ஷகிப் அல் ஹஸன், 5. மார்கோ ஜன்சன்.

இந்நிலையில் மேற்கிந்தியத் தீவுகளுக்கெதிரான இறுதி இரண்டு இருபதுக்கு – 20 சர்வதேசப் போட்டிகளிலும் 4 விக்கெட்டுகளைக் கைப்பற்றிய பங்களாதேஷின் மஹெடி ஹஸன், பந்துவீச்சாளர்களின் தரவரிசையில் 23ஆம் இடத்திலிருந்து 13 இடங்கள் முன்னேறி 10ஆம் இடத்தை அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. அகீல் ஹொஸைன், 2. அடில் ரஷீட், 3. வனிது ஹசரங்க, 4. அடம் ஸாம்பா. 5. மகேஷ் தீக்‌ஷன, 6. ரவி பிஷ்னோய், 7. ரஷீட் கான், 8. அர்ஷ்டீப் சிங், 9. குடகேஷ் மோட்டி, 10. மஹெடி ஹஸன்.

முதல் 10 துடுப்பாட்டவீரர்களின் தரவரிசை பின்வருமாறு,

1. ட்ரெவிஸ் ஹெட், 2. பில் ஸோல்ட், 3. திலக் வர்மா, 4. சூரியகுமார் யாதவ், 5. ஜொஸ் பட்லர், 6. பாபர் அஸாம், 7. யஷஸ்வி ஜைஸ்வால், 8. மொஹமட் றிஸ்வான், 9. றீஸா ஹென்ட்றிக்ஸ், பதும் நிஸங்க.

முதல் ஐந்து சகலதுறைவீரர்களின் தரவரிசை பின்வருமாறு,

1. ஹர்திக் பாண்டியா, 2. டிபேந்திர சிங் ஐரீ, 3. லியம் லிவிங்ஸ்டோன், 4. மார்க்கஸ் ஸ்டொய்னிஸ், வனிது ஹசரங்க.