Reply To:
Eranda - cb chds hcdsh cdshcsdchdhd
2025 ஏப்ரல் 06, ஞாயிற்றுக்கிழமை
Shanmugan Murugavel / 2024 டிசெம்பர் 01 , பி.ப. 10:26 - 0 - {{hitsCtrl.values.hits}}
நியூசிலாந்துக்கெதிரான முதலாவது டெஸ்டில் இங்கிலாந்து வென்றது.
மூன்று போட்டிகள் கொண்ட இத்தொடரில், கிறைஸ்ட்சேர்ச்சில் வியாழக்கிழமை (28) ஆரம்பித்த இப்போட்டியில் முதலில் துடுப்பெடுத்தாடப் பணிக்கப்பட்ட நியூசிலாந்து, கேன் வில்லியம்சனின் 93, கிளென் பிலிப்ஸின் ஆட்டமிழக்காத 58, அணித்தலைவர் டொம் லேதமின் 47, றஷின் றவீந்திரவின் 34 ஓட்டங்களோடு சகல விக்கெட்டுகளையும் இழந்து தமது முதலாவது இனிங்ஸில் 348 ஓட்டங்களைப் பெற்றது. பந்துவீச்சில், பிறைடன் கார்ஸ், ஷொய்ப் பஷிர் ஆகியோர் தலா 4 விக்கெட்டுகளையும், குஸ் அட்கின்ஸன் 2 விக்கெட்டுகளையும் கைப்பற்றினர்.
பதிலுக்கு தமது முதலாவது இனிங்ஸில் துடுப்பெடுத்தாடிய இங்கிலாந்து, ஹரி ப்றூக்கின் 171, அணித்தலைவர் பென் ஸ்டோக்ஸின் 80, ஒலி போப்பின் 77, குஸ் அட்கின்ஸனின் 48, பென் டக்கெட்டின் 46, கார்ஸின் ஆட்டமிழக்காத 33 ஓட்டங்களோடு சகல விக்கெட்டுகளையும் இழந்து 499 ஓட்டங்களைப் பெற்றது. பந்துவீச்சில், மற் ஹென்றி 4, நாதன் ஸ்மித் 3, டிம் செளதி 2, வில் ஓ ருர்க் ஒரு விக்கெட்டைக் கைப்பற்றினர்.
இந்நிலையில் தமது இரண்டாவது இனிங்ஸில் துடுப்பெடுத்தாடிய நியூசிலாந்து, கார்ஸ் 6, கிறிஸ் வோக்ஸ் 3, அட்கின்ஸனிடம் விக்கெட்டுகளைப் பறிகொடுத்து சகல விக்கெட்டுகளையும் இழந்து 254 ஓட்டங்களையே பெற்றது. துடுப்பாட்டத்தில் டரைல் மிற்செல் 84, வில்லியம்சன் 61 ஓட்டங்களைப் பெற்றனர்.
அந்தவகையில் 104 ஓட்டங்களை வெற்றியிலக்காகக் கொண்டு துடுப்பெடுத்தாடிய இங்கிலாந்து, ஜேக்கப் பெத்தெல்லின் ஆட்டமிழக்காத 50 ஓட்டங்களோடு 2 விக்கெட்டுகளை இழந்த நிலையில் வெற்றியிலக்கையடைந்தது. பந்துவீச்சில் ஹென்றி, ஓ ருர்க் ஆகியோர் தலா ஒவ்வொரு விக்கெட்டை வீழ்த்தினர்.
இப்போட்டியின் நாயகனாக கார்ஸ் தெரிவானார்.
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
58 minute ago
2 hours ago
3 hours ago
3 hours ago