சிற்றியை வீழ்த்தி சம்பியனான யுனைட்டெட்

இங்கிலாந்து கால்பந்தாட்டக் கழகங்களுக்கிடையிலான விலகல் முறையிலான கால்பந்தாட்டச் சங்க (எஃப்.ஏ) சவால் கிண்ணத் தொடரில் மன்செஸ்டர் யுனைட்டெட் சம்பியனானது.

வெம்ப்ளியில் சனிக்கிழமை (25) நடைபெற்ற மன்செஸ்டர் சிற்றியுடனான இறுதிப் போட்டியில் 2-1 என்ற கோல் கணக்கில் வென்றே யுனைட்டெட் சம்பியனானது.

யுனைட்டெட் சார்பாக, அலெஜான்ட்ரோ கராஞ்சோ, கொபி மைனோ ஆகியோர் தலா ஒவ்வொரு கோலைப் பெற்றதோடு, சிற்றி சார்பாகப் பெறப்பட்ட கோலை ஜெரெமி டோக்கு பெற்றிருந்தார்.