2025 ஏப்ரல் 04, வெள்ளிக்கிழமை

சம்பியன்ஸ் லீக்: வெளியேற்றப்பட்டது மிலன்

Shanmugan Murugavel   / 2025 பெப்ரவரி 19 , மு.ப. 11:16 - 0     - {{hitsCtrl.values.hits}}

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரிலிருந்து இத்தாலிய சீரி ஏ கழகமான ஏ.சி மிலன் வெளியேற்றப்பட்டுள்ளது.

நெதர்லாந்துக் கழகமான பெய்னூர்ட்டுடனான இறுதி 16 அணிகளுக்கான சுற்றுக்கு முந்தைய சுற்றுப் போட்டியில் தோற்றே தொடரிலிருந்து மிலன் வெளியேறியுள்ளது.

பெய்னூர்ட்டின் மைதானத்தில் நடைபெற்ற முதலாவது சுற்றுப் போட்டியில் 0-1 என்ற கோல் கணக்கில் தோற்ற மிலன், தமது மைதானத்தில் செவ்வாய்க்கிழமை (18) நடைபெற்ற இரண்டாவது சுற்றுப் போட்டியை 1-1 என்ற கோல் கணக்கில் சமப்படுத்திய நிலையிலேயே 1-2 என்ற மொத்த கோல் கணக்கில் தோற்று தொடரிலிருந்து வெளியேறியது.

மிலன் சார்பாகப் பெறப்பட்ட கோலை சன்டியாகோ ஜிமென்ஸ் பெற்றதோடு, பெய்னூர்ட் சார்பாகப் பெறப்பட்ட கோலை ஜூலியன் கர்ரன்ஸா பெற்றிருந்தார்.

இதேவேளை பெல்ஜியக் கழகமான கிளப் ப்ரூகேயிடம் 2-5 என்ற மொத்த கோல் கணக்கில் புதன்கிழமை (19) தோற்று இத்தாலிய சீரி ஏ கழகமான அத்லாண்டாவும் தொடரிலிருந்து வெளியேறியிருந்தது.

இந்நிலையில் போர்த்துக்கல் கழகமான பெய்பிக்காவிடம் தோற்று பிரெஞ்சு லீக் 1 கழகமான மொனாக்கோவும் தொடரிலிருந்து வெளியேறியுள்ளது.


You May Also Like

  Comments - 0


அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .

X

X