ஒலிம்பிக்கில் அதிக தங்கங்களை வென்றவராக லெடக்கி

பெண்களுக்கான நீச்சலில் ஒலிம்பிக்கில் அதிக தங்கப் பதக்கங்களை வென்றவராக ஐக்கிய அமெரிக்காவின் கேட்டி லெடக்கி மாறியுள்ளார்.

பிரான்ஸில் நடைபெற்று வரும் பரிஸ் 2024 ஒலிம்பிக்கின் வியாழக்கிழமை (01) நடைபெற்ற பெண்களுக்கான 1,500 மீற்றர் பிறீஸ்டைல் நீச்சலில் தங்கப் பதக்கத்தை வென்றதன் மூலமே சக ஐக்கிய அமெரிக்காவின் ஜெனி தொம்ஸனின் 1992 தொடக்கம் 2000ஆம் ஆண்டு வரையான மூன்று ஒலிம்பிக்குகளின் அஞ்சலில் எட்டுத் தங்கப் பதக்கங்களை வென்றதை 27 வயதான லெடக்கி சமப்படுத்தியுள்ளார்.

பதக்கப் பட்டியலில் 9 தங்கம், 7 வெள்ளி, 3 வெண்கலப் பதக்கங்களுடன் முதலாமிடத்தில் சீனா காணப்படுகின்றது. 8 தங்கம், 10 வெள்ளி, 8 வெண்கலப் பதக்கங்களுடன் இரண்டாமிடத்தில் பிரான்ஸும் 8 தங்கம், 3 வெள்ளி, 4 வெண்கலப் பதக்கங்களுடன் மூன்றாமிடத்தில் ஜப்பானும், 7 தங்கம், 6 வெள்ளி, 3 வெண்கலப் பதக்கங்களுடன் நான்காமிடத்தில் அவுஸ்திரேலியாவும் காணப்படுகின்றன. 6 தங்கம், 6 வெள்ளி, 5 வெண்கலப் பதக்கங்களுடன் ஐந்தாமிடத்தில் பெரிய பிரித்தானியா காணப்படுகின்றது.