ஐ.பி.எல்: டெல்லிக்கு வெற்றியிலக்கு 210 ஓட்டங்கள்

இந்தியன் பிறீமியர் லீக்கில் (ஐ.பி.எல்) விசாகப்பட்டினத்தில் இன்று நடைபெற்றுக் கொண்டிருக்கும் டெல்லி கப்பிட்டல்ஸுக்கெதிரான போட்டியில் அவ்வணிக்கு 210 ஓட்டங்களை லக்னோ சுப்பர் ஜையன்ட்ஸ் வெற்றியிலக்காக நிர்ணயித்துள்ளது.

இப்போட்டியின் நாணயச் சுழற்சியில் வென்ற கப்பிட்டல்ஸின் அணித்தலைவர் அக்ஸர் பட்டேல், சுப்பர் ஜையன்ட்ஸை முதலில் துடுப்பெடுத்தாடப் பணித்தார்.

அந்தவகையில் முதலில் துடுப்பெடுத்தாடிய சுப்பர் ஜையன்ட்ஸ் ஆரம்பத்தில் ஏய்டன் மார்க்ரமை அறிமுக வீரர் விப்ராஜ் நிகமிடம் இழந்தபோதும், மிற்செல் மார்ஷ், நிக்கலஸ் பூரான் மூலம் அதிரடியாக ஓட்டங்களைக் குவித்தது.

முகேஷ் குமாரிடம் 72 (36) ஓட்டங்களுடன் மார்ஷ் வீழ்ந்ததுடன், சிறிது நேரத்தில் அணித்தலைவர் றிஷப் பண்ட் ஓட்டமெதுவும் விழாமல் வீழ்ந்ததோடு தொடர்ந்து பூரானும் 75 (30) ஓட்டங்களுடன் மிற்செல் ஸ்டார்க்கிடம் வீழ்ந்தார்.

இதைத் தொடர்ந்து அயுஷ் படோனி குல்தீப்பிடம் விழுந்ததோடு, ஷர்துல் தாக்கூர் ரண் அவுட்டானார். ஷபாஸ் அஹ்மட், ரவி பிஷ்னோயும் ஸ்டார்க்கிடம் விழ இறுதி நேரத்தில் டேவிட் மில்லரின் ஆட்டமிழக்காத 27 (19) ஓட்டங்களோடு 20 ஓவர்களில் 8 விக்கெட்டுகளை இழந்து 209 ஓட்டங்களை சுப்பர் ஜையன்ட்ஸ் பெற்றுள்ளது.