Reply To:
Eranda - cb chds hcdsh cdshcsdchdhd
2025 ஏப்ரல் 06, ஞாயிற்றுக்கிழமை
Shanmugan Murugavel / 2024 டிசெம்பர் 09 , மு.ப. 07:12 - 0 - {{hitsCtrl.values.hits}}
இந்தியாவுக்கெதிரான இரண்டாவது டெஸ்டை அவுஸ்திரேலியா வென்றது.
ஐந்து போட்டிகள் கொண்ட இத்தொடரில், அடிலெய்ட்டில் வெள்ளிக்கிழமை (06) ஆரம்பித்த இப்போட்டியில் முதலில் துடுப்பெடுத்தாடிய இந்தியா மிற்செல் ஸ்டார்க் (6), ஸ்கொட் போலண்ட் (2), அணித்தலைவர் பற் கமின்ஸிடம் (2) விக்கெட்டுகளைப் பறிகொடுத்து சகல விக்கெட்டுகளையும் இழந்து தமது முதலாவது இனிங்ஸில் 180 ஓட்டங்களையே பெற்றது. துடுப்பாட்டத்தில் நிதிஷ் குமார் ரெட்டி 42, லோகேஷ் ராகுல் 37, ஷுப்மன் கில் 31, இரவிச்சந்திரன் அஷ்வின் 22, றிஷப் பண்ட் 21 ஓட்டங்களைப் பெற்றனர்.
பதிலுக்கு தமது முதலாவது இனிங்ஸில் துடுப்பெடுத்தாடிய அவுஸ்திரேலியா, ட்ரெவிஸ் ஹெட்டின் 140, மர்னுஸ் லபுஷைனின் 64, நாதன் மக்ஸீவினியின் 39 ஓட்டங்களோடு சகல விக்கெட்டுகளையும் இழந்து 337 ஓட்டங்களைப் பெற்றது. பந்துவீச்சில், ஜஸ்பிரிட் பும்ரா 4, மொஹமட் சிராஜ் 4, நிதிஷ் குமார் ரெட்டி 1, இரவிச்சந்திரன் 1 விக்கெட்டைக் கைப்பற்றினர்.
இந்நிலையில் தமது இரண்டாவது இனிங்ஸில் துடுப்பெடுத்தாடிய இந்தியா, கமின்ஸ் (5), போலண்ட் (3), ஸ்டார்க்கிடம் (2) விக்கெட்டுகளைப் பறிகொடுத்து சகல விக்கெட்டுகளையும் இழந்து 175 ஓட்டங்களையே பெற்றது. துடுப்பாட்டத்தில், ரெட்டி 42, பண்ட் 28, கில் 28, யஷஸ்வி ஜைஸ்வால் 24 ஓட்டங்களைப் பெற்றனர்.
அந்தவகையில் 19 ஓட்டங்களை வெற்றியிலக்காகக் கொண்டு துடுப்பெடுத்தாடிய அவுஸ்திரேலியா, விக்கெட் இழப்பின்றி வெற்றியிலக்கையடைந்தது.
இப்போட்டியின் நாயகனாக ஹெட் தெரிவானார்.
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
1 hours ago
2 hours ago
3 hours ago
4 hours ago