உருளைக்கிழங்கு அறுவடை...

யாழ். மாவட்டத்தில் நவீன முன்மாதிரி முறையில் மேற்கொள்ளப்பட்ட உருளைக்கிழங்கு செய்கையின் அறுவடை நிகழ்வு, புன்னாலைக்கட்டுவன், ஈவினை மத்தி கிராமத்தில் வெள்ளிக்கிழமை (25) இடம்பெற்றது.

நிகழ்வில், யாழ். மாவட்ட பாராளுமன்ற உறுப்பினரும், பாராளுமன்ற குழுக்களின் பிரதித் தவிசாளரும், யாழ். மாவட்ட ஒருங்கிணைப்புக் குழுவின் தலைவருமான அங்கஜன் இராமநாதனின் இணைப்புச் செயலாளர் குலேந்திரன் சிவராம் பிரதம விருந்தினராக கலந்துகொண்டார்.

சொட்டு நீர்ப்பாசனம், உயர் பாத்தி மற்றும் பொலித்தீன் மூடுபடை தொழில்நுட்பத்தின் கீழ், இந்த முன்மாதிரி உருளைக்கிழங்கு பயிர்ச்செய்கையானது மேற்கொள்ளப்பட்டது.