துண்டுப்பிரசுரங்களை வழங்கிய மஹிந்த தேசப்பிரிய

ஜனாதிபதித் தேர்தலில் மக்கள் எவ்வாறு வாக்களிக்க வேண்டும் என்பது தொடர்பான துண்டுப்பிரசுரங்களை தேர்தல்கள் ஆணைக்குழுவின் முன்னாள் தலைவர் மஹிந்த தேசப்பிரிய, அம்பலாங்கொட புகையிரத நிலையத்தில் வைத்து புதன்கிழமை (18) அன்று விநியோகித்தார்.

தேர்தல் பொறுப்பில் இருந்த முன்னாள் உயர் அதிகாரி ஒருவர், இவ்வாறு செயல்பட்டமை இதுவே முதல் முறையாகும் .

தேர்தலில் வாக்களிப்பது மக்களின் உரிமை , இந்த வாக்குரிமையை புறக்கணிக்கக் கூடாது எனவும் மக்களுக்கு வாக்களிக்கும் உரிமையை காண்பிப்பதே தனது நோக்கம் எனவும் அவர் குறிப்பிட்டுள்ளார் .