துப்பாக்கிச் சூட்டில் தந்தை மகள் மரணம்

மித்தெனிய பொலிஸ் பிரிவின் மித்தெனிய-வீரகெட்டிய வீதியில் உள்ள கடேவத்த சந்தியில், மோட்டார் சைக்கிளில் சென்ற ஒருவர் அடையாளம் தெரியாத நபர்களால் சுட்டுக் கொல்லப்பட்ட சம்பவம் செவ்வாய்க்கிழமை (18) இரவு இடம்பெற்றுள்ளது . குறித்த நபர் சம்பவ இடத்திலேயே உயிரிழந்தார். மோட்டார் சைக்கிளில் சென்ற இரண்டு குழந்தைகளும் காயமடைந்து மித்தெனிய மருத்துவமனையில் அனுமதிக்கப்பட்டு, பின்னர் மேலதிக சிகிச்சைக்காக தங்காலை மற்றும் எம்பிலிப்பிட்டிய மருத்துவமனைகளில் அனுமதிக்கப்பட்டனர். தங்காலை மருத்துவமனையில் அனுமதிக்கப்பட்ட மகளும் சிகிச்சை பெற்று வந்த நிலையில் உயிரிழந்துள்ளார். குறித்த சிறுவன் எம்பிலிப்பிட்டிய மருத்துவமனையின் தீவிர சிகிச்சைப் பிரிவில் ஆபத்தான நிலையில் சிகிச்சை பெற்று வருகிறார்.

இறந்த,  39 வயதுடைய குடும்பஸ்தர் , மற்றும் அவரது 6 வயதுடைய  மகள் கல்போத்த சாலை பகுதியை சேர்ந்தவர்கள் என தெரிவிக்கப்பட்டுள்ளது.   

துப்பாக்கிச் சூட்டுக்கான காரணம் இதுவரை  தெரியவில்லை, மேலும் துப்பாக்கிச் சூட்டில் T-56 துப்பாக்கி பயன்படுத்தப்பட்டிருக்கலாம் என்று பொலிஸார் சந்தேகிக்கின்றனர். சம்பவம் நடந்த இடத்தில் மாண்புமிகு வாலாஸ் முல்லா மாஜிஸ்திரேட் தலைமையில் ஒரு மாஜிஸ்திரேட் விசாரணை நடத்த திட்டமிடப்பட்டுள்ளது. கொலையுடன் தொடர்புடைய சந்தேக நபர்களைக் கைது செய்வதற்காக மித்தெனிய பொலிஸார் மேலதிக விசாரணைகளை மேற்கொண்டு வருகின்றனர்.R