சிகரெட்டுகளை கடத்த முயற்சி; ஒருவர் சிக்கினார்

வரி செலுத்தாமல் கொண்டு வரப்பட்ட 9400 சிகரெட்டுகளுடன் ஒருவர் கைது செய்யப்பட்டுள்ளார்.

43 வயதுடைய குறித்த சந்தேக நபர் கட்டுநாயக்க விமான நிலையத்தில் நேற்று இரவு கைது செய்யப்பட்டுள்ளார்.

பொலிஸ் போதைப்பொருள் தடுப்புப் பிரிவு அதிகாரிகள் நடத்திய சோதனையின் போது சந்தேக நபர் கைது செய்யப்பட்டதாக பொலிஸார் தெரிவித்தனர்.

சந்தேக நபரிடம் 9400  சிகரெட்டுகள் கொண்ட 47 அட்டைப்பெட்டிகள் இருப்பது கண்டுபிடிக்கப்பட்டது.

யட்டியன பிரதேசத்தை சேர்ந்த குறித்த நபரிடம் பொலிஸ் போதைப்பொருள் தடுப்புப் பிரிவு அதிகாரிகள் விசாரணைகளை மேற்கொண்டு வருகின்றனர்.