கந்தளாய் வைத்தியசாலையில் குழப்பம்

கந்தளாய் ஆதார வைத்தியசாலையின் நியோனாட்டோலஜி பிரிவு, குழந்தை மருத்துவர்கள் மற்றும் நியோனாடாலஜிஸ்ட்கள் பற்றாக்குறையால் மூடப்படும் நிலைக்குத் தள்ளப்பட்டுள்ளது.

நியோனட்டோலஜி பிரிவு என்பது புதிதாகப் பிறந்த குழந்தைகளின் பராமரிப்பில் நிபுணத்துவம் பெற்ற ஒரு வைத்தியசாலைப் பிரிவாகும், குறிப்பாக குறைமாதத்தில் பிறந்தவர்கள் அல்லது உடல்நலப் பிரச்சினைகளுடன் உள்ள குழந்தைகளைப் பராமரிக்கும் பிரிவாகும்.

அதன்படி, சுகாதார அமைச்சு குழந்தை மருத்துவர்களை பல்கலைக்கழகங்களுக்கு மாற்றியுள்ளதால் விசேட வைத்திய நிபுணர்கள் இன்மை ஏற்பட்டுள்ளதாக கூறப்படுகிறது.

இதன் விளைவாக, ஆலோசகர் நியமிக்கப்படும் வரை புதிய நோயாளிகள் அனுமதிக்கப்பட மாட்டாத நிலை ஏற்பட்டுள்ளது.

பேராதனை சிறிமாவோ பண்டாரநாயக்க விசேட சிறுவர் வைத்தியசாலையில் குழந்தை வைத்திய நிபுணர்கள் இல்லாத காரணத்தினால், அதே அவலநிலையை குறித்த நியோனாட்டாலஜி பிரிவும் எதிர்நோக்கி வருகின்றது.

தற்போதைய நோயாளிகள் மற்ற துறைகளைச் சேர்ந்த வைத்தியர்களால் கவனிக்கப்படுவார்கள் எனவும் அவசரநிலைகள் விபத்து மற்றும் அவசர சிகிச்சைப் பிரிவு மூலம் நிர்வகிக்கப்படும் என்று வட்டாரங்கள் தெரிவித்தன. 

மேலும், ENT, கண் மருத்துவம் மற்றும் இருதய சிகிச்சை பிரிவுகளில் வழக்கமான சேர்க்கைகள் பாதிக்கப்படுவது, நெருக்கடியை மேலும் பாரதூரமாக்கியுள்ளது.

நெருக்கடிக்கு பதிலளிக்கும் விதமாக, சுகாதார அமைச்சகத்தின் மூத்த அதிகாரி ஒருவர், இந்த விவகாரம் தொடர்பில் ஆராயப்பட்டு வருவதாக தெரிவித்தார்.