கவனமாக கையாளப்பட வேண்டிய விவகாரம்

 

 

 

இவ்வாறான ஒரு சூழலில்தான், முதலில் அரசாங்கம், கிழக்கு மாகாணத்தை அடிப்படையாகக் கொண்டு முஸ்லிம் அடிப்படைவாத குழுக்கள் தோற்றம் பெறுவதாகவும், அது தொடர்பாகக் கிடைக்கப்பெற்ற புலனாய்வு தகவல்களின் அடிப்படையில் விசாரணைகள் ஆரம்பிக்கப்பட்டுள்ளதாகவும் கூறியுள்ளது.  கிழக்கு மாகாணத்திலோ அல்லது நாட்டின் ஏனைய மாகாணங்களிலோ அடிப்படைவாதக் குழுக்களோ குற்றம் புரிவோரோ உருவாகின்றார்களா? என்பது பொது மக்களாகிய நமக்குத் தெரியாது. அரச இயந்திரம்தான் பாதுகாப்புப் படைகளையும் புலனாய்வுப் பிரிவையும் பயன்படுத்தி அதனைக் கண்டுபிடிக்க வேண்டும்.

 

 

முஸ்லிம் எம்.பி. ஒருவர் குறிப்பிட்டிருந்ததைப் போல, எந்தவொரு மதத்திலும் இனத்திலும் அடிப்படைவாதம் அல்லது பயங்கரவாதம், தீவிரவாதம் என்பது ஏற்றுக் கொள்ளப்பட்ட, அங்கீகரிக்கப்பட்ட விடயம் அல்ல. எல்லா மதங்களும் அதனை ஒரு குற்றமாகவே நோக்குகின்றன. அமைதியையே போதிக்கின்றன. இலங்கையில் முஸ்லிம் மக்களும் அங்கீகரிக்கப்பட்ட இஸ்லாமிய அமைப்புக்களும் அவ்விதமான ‘வாதங்களுக்கு’ ஒருபோதும் ஆதரவில்லை என்பதை நீண்டகாலமாகக் கூறி வருகின்றனர். 

 

அதனை அரசாங்கமும் அறியும்.  எனவே, முன்னைய அரசாங்கங்களைப் போல, இந்த அரசாங்கமும் ‘முஸ்லிம்’ என்ற அடையாளப்படுத்தலுடன் ஏன் இந்த தகவலை வெளியிடுகின்றது என்ற கேள்வி எழாமல் இல்லை. இலங்கையில் தனியான இன, மத பிரிவினைகள் இருக்கக் கூடாது என்றும், எல்லோரும் இலங்கையர் என்றும் கூறியே இந்த அரசாங்கம் ஆட்சிக்கு வந்தது. முஸ்லிம் அமைச்சர் ஒருவர் நியமிக்கப்படவில்லை என்ற குற்றச்சாட்டுக்கள் எழுந்த போது, எல்லாவற்றையும் பொதுப்படையாக நோக்க வேண்டும், இன, மத ரீதியாக பிரித்து நோக்கக் கூடாது என்று என்.பி.பி. கூறியது.

 

 

அடிப்படைவாத குழுக்களை முளையிலேயே கிள்ளி எறிய வேண்டும் என்பதும், அது விடயத்தில் அரசாங்கத்திற்கு முழு ஒத்துழைப்பை வழங்க முஸ்லிம் சமூகம் தயாராக இருக்கின்றது என்பதிலும் மறு பேச்சில்லை.ஆனால், ஒரு புலனாய்வுத் தகவலை நாசுக்காகச் சொல்வதற்கு அரசாங்கம் தவறியமை, எதிர்காலத்தில் முஸ்லிம் சமூகத்தின் மீது சுட்டுவிரல் நீட்டுவதற்கான முயற்சியாக அமைந்து விடுமே என்று ஒரு பகுதி முஸ்லிம்கள் அச்சப்படுகின்றனர்.

 

 

 

வடக்கு, கிழக்கில் படைகள் குவிக்கப்பட்டுள்ளதாகத் தமிழ்எம்.பிக்கள்கூறிவருகின்றனர்.உயிர்த்தஞாயிறுதாக்குதல் விவகாரத்திற்கானநீதிக்கோரிக்கைகள்,அழுத்தங்கள்மட்டுமன்றி,பட்டலந்தவதைமுகாம்சர்ச்சைகளும்கிளறப்பட்டுள்ளன.ஞானசார விடுதலை செய்யப்பட்டுள்ளார். அவரும் தன்பங்கிற்கு சில கதைகளைக் கூறத் தொடங்கியுள்ளார். மிக முக்கியமாக, இதற்கிடையில் உள்ளூராட்சி  சபைத் தேர்தலும் வருகின்றது.எனவே, கிழக்கில் அடிப்படைவாதக் குழுக்கள் உள்ளன என்பது உண்மையாகக் கூட இருக்கலாம். அதனை அரசாங்கம் சரிவர தேடியறிந்த உறுதி செய்ய வேண்டும். 

 

அது வேறு விடயம்.ஆனால், முஸ்லிம் என்ற அடைமொழியுடன் வெளியிடப்பட்டுள்ள கருத்துக்களுக்கும் மேலே கூறப்பட்ட நாட்டு நடப்புக்களுக்கும் ஏதாவது தொடர்பிருக்குமா? என்ற ஐயப்பாடுகள் சமூக வலைத்தளங்களில் பரவிக்கிடக்கின்றன.கிழக்கில் அல்லது முஸ்லிம்களுக்கு மத்தியில் அடிப்படைவாதகுழுக்கள்இல்லைஎன்றுஇப்பத்தி கூற முற்படவில்லை. நாட்டின் எப்பாகத்திலும் எப்படியான குழுக்களும் உருவாகினாலும் நாம் ஆச்சரியப்படுவதற்கு இல்லை என்பதுதான் நாம் கண்ட யதார்த்தமாகும்.

 

 

சமூக விரோத குழுக்கள் எதுவும் எந்த இனக் குழுமத்திற்குள் இருந்தாலும் அதனைக் கண்டறிந்து கட்டுப்படுத்த வேண்டியது அரச இயந்திரத்தின்தலையாயகடமையாகும்.அடிப்படைவாதிகளுக்காகப்பயங்கரவாதிகளுக்காகஎந்த சமூகமும் பரிந்து பேசப் போவதில்லை.ஆனால், முஸ்லிம் அடிப்படைவாதக் குழுக்கள் என்று கூறியதன் மூலம் ஏனைய இன மக்கள் கிழக்கு முஸ்லிம்களை ஒருவித சந்தேகக் கண்கொண்டு பார்க்கலாம் என்ற உணர்வு உருவாகியுள்ளது. இதனைப் பயன்படுத்தி கடந்த காலத்தைப் போல, நாம் நெருக்கடிகளைச் சந்திக்க நேரிடுமா? என்ற அச்சமும் முஸ்லிம்களுக்கு ஏற்பட்டுள்ளதை மறுக்க முடியாது.

 

எனவே, என்ப.p.பி. அரசாங்கம் இவ்விடயத்தை இன்னும் பக்குவமாக கையாள வேண்டும். கடந்த காலங்களில் முஸ்லிம்களை மையப்படுத்திய நகர்வுகள் விடயத்தில் முன்னைய ஆட்சியாளர்கள் போல இந்த அரசாங்கமும் செயற்பட்டு விடக் கூடாது.மறுபுறுத்தில், முஸ்லிம்களுக்குள் இப்படியான பிறழ்வான, தீவிரபோக்குள்ள குழுக்கள் உருவாகுமாயின்அதனைகட்டுப்படுத்தமுஸ்லிம்மக்கள்அரசாங்கத்திற்குமுழுஒத்துழைப்புவழங்குவதுடன்,இவ்விகததை மிகவும் புத்திசாலித்தனமாகவும் கவனமாகம் கடந்து செல்ல வேண்டும்.