விபத்தில் இளம் குடும்பஸ்தர் பலி

கரடியனாறு பொலிஸ் பிரிவுக்குட்பட்ட உறுகாமம் -  பதுளை வீதியில் ,மோட்டார் சைக்கிளுடன் வேன் மோதி இடம்பெற்ற விபத்தில் நபரொருவர் உயிரிழந்துள்ள சம்பவம் சனிக்கிழமை (29) இடம்பெற்றுள்ளது .

செங்கலடி சேனைக்குடியிருப்பை சேர்ந்த , இரு பிள்ளைகளின் தந்தையான 35 வயதுடைய தோமஸ் டயஸ் என்பவரே இவ்வாறு உயிரிழந்துள்ளார் .

குறித்த நபர் தொழில் நிமித்தம் பெரிய புல்லுமலை நோக்கி மோட்டார் சைக்கிளில் பயணித்துக் கொண்டிருக்கும் போது , எதிரே வந்த மினி வேன், பாதை மாறி மோட்டார் சைக்கிள் மீது மோதியதில் சம்பவ இடத்திலேயே உயிரிழந்துள்ளார் .

வேன் சாரதியின் தூக்க கலக்கமே விபத்துக்கு காரணமென பொலிஸாரின் ஆரம்பக்கட்ட விசாரணையில் தெரியவந்துள்ளது .

உயிரிழந்தவரின் சடலம் பிரேத பரிசோதனைக்கு பின்னர் உறவினர்களிடம் ஒப்படைக்கப்பட்டுள்ளதுடன், வேனின் சாரதியை கைது செய்த கரடியனாறு பொலிஸார் சம்பவம் தொடர்பிலான மேலதிக விசாரணைகளை மேற்கொண்டு வருகின்றனர் .

எச்.எம்.எம்.பர்ஸான்