போதைப்பொருட்களை விநியோகித்த ஆலா கைது

பாடசாலை மாணவர்கள் மற்றும்  இளைஞர்களுக்கு போதைப்பொருட்களை விநியோகித்து ஒருவரை விளக்கமறியலில் வைக்குமாறு கல்முனை நீதிவான் நீதிமன்று செவ்வாயக்கிழமை (5) உத்தரவிட்டுள்ளது.

அம்பாறை - பெரியநீலாவணை பொலிஸாருக்கு  திங்கட்கிழமை  (04) இரவு கிடைக்கப்பெற்ற விசேட தகவல் ஒன்றிக்கமைய  மருதமுனை கடற்கரை பிரதேசத்தில் சிவில் உடையில் சோதனை நடவடிக்கையில் ஈடுபட்டிருந்தபோது,  ஆலா என அழைக்கப்படும் 39 வயதுடைய முஹம்மது இஸ்மாயில் அஸ்மீர்  என்ற நபரை  100 கிராம் கஞ்சாவுடன் கைது செய்துள்ளனர். 

கைது செய்யப்பட்ட ஆலாவை சட்ட நடவடிக்கைக்காக கல்முனை நீதிமன்றத்தில் ஆஜர்படுத்திய போது எதிர்வரும் டிசம்பர் மாதம் 15ஆம் திகதி வரை விளக்கமறியலில் வைக்குமாறு  நீதீவான் உத்தரவிட்டுள்ளார். 

 பாருக் ஷிஹான்