அம்பாறையில் 124 வேட்புமனுக்கள் ஏற்பு

அம்பாறை மாவட்டத்தில் உள்ளூராட்சி தேர்தல் - 2025 இல் சமர்ப்பிக்கப்பட்ட 146 வேட்புமனுக்களில்  22 வேட்புமனுக்கள் நிராகரிக்கப்பட்டன. 124 வேட்புமனுக்கள் ஏற்றுக்கொள்ளப்பட்டன என அம்பாறை மாவட்ட அரசாங்க அதிபரும்  தெரிவத்தாட்சி அலுவலருமான சிந்தக அபேவிக்ரம தெரிவித்தார்.

அம்பாறைமாவட்டத்தில் கூடிய அளவிலான  15 வேட்புமனுக்கள் பொத்துவில் பிரதேச சபையில் பதிவானது. அம்பாறை மாவட்டத்தில் குறைந்த அளவிலான 04 வேட்புமனுக்கள் ஆலையடிவேம்பு பிரதேச சபையில் பதிவானது. உள்ளூராட்சித் தேர்தல் வேட்பு மனுக்கள் தொடர்பாக அவர் மேலும் தெரிவிக்கையில்.. அம்பாறை மாவட்டத்தில் மொத்தமாக 19 கட்சிகளின் 122 வேட்புமனுக்கள் மற்றும் சுயாதீன குழுக்களால் 24 வேட்புமனுக்கள் மொத்தமாக 146 வேட்புமனுக்கள் சமர்ப்பிக்கப்பட்டன.

அவற்றில் 19 அரசியல் கட்சிகள் மற்றும் 3 சுயாதீன குழுக்களின் வேட்பு மனுக்கள் நிராகரிக்கப்பட்டன. உள்ளூராட்சித் தேர்தலுக்காக அம்பாறை மாவட்டத்தில்  அகில இலங்கை தமிழ் காங்கிரஸ், மக்கள் போராட்டக் கூட்டணி, ஈழ மக்கள் ஜனநாயகக் கட்சி, தேசிய மக்கள் சக்தி, தேசிய சுதந்திர முன்னணி, ஜனநாயக தமிழ் தேசிய கூட்டமைப்பு , தமிழ் தேசிய ஜனநாயகக் கட்சி, ஐக்கிய தேசியக் கட்சி, ஜனநாயக தேசிய கூட்டணி, ஐக்கிய மக்கள் சக்தி  ஐக்கிய சமாதானக் கூட்டணி, அகில இலங்கை மக்கள் காங்கிரஸ், இலங்கை பொதுஜன முன்னணி, இலங்கை முஸ்லிம் காங்கிரஸ், ஐக்கிய தேசிய கூட்டணி, ஐக்கிய பொதுஜன முன்னணி, ஈழ மக்கள் ஜனநாயகக் கட்சி, தேசிய மக்கள் சக்தி வேகம், தமிழ் அரசுக் கட்சி மற்றும் தேசிய காங்கிரஸ் ஆகிய 2 வேட்புமனுக்கள் சமர்ப்பிக்கப்பட்டன.

அக்கரைப்பற்று மாநகர சபைக்கு 5 அரசியல் கட்சிகள் மற்றும் ஒரு சுயாதீன குழு 6 வேட்புமனுக்களை முன்வைத்திருந்தன, அதில் தேசிய காங்கிரஸ் வேட்புமனு நிராகரிக்கப்பட்டது.  நாவிதன்வெளி பிரதேச சபைக்கு 7 கட்சிகள் மற்றும் 4 சுயாதீன குழுக்களை பிரதிநிதித்துவப்படுத்தும் 11 வேட்புமனுக்கள் சமர்ப்பிக்கப்பட்டன, அவை அனைத்தும் ஏற்றுக்கொள்ளப்பட்டன.

சம்மாந்துறை பிரதேச சபைக்கு எட்டு அரசியல் கட்சிகள் மற்றும் மூன்று சுயாதீன குழுக்கள் உட்பட 11 வேட்பு மனுக்கள் சமர்ப்பிக்கப்பட்டன, இலங்கை தமிழ் அரசு கட்சி, ஐக்கிய தேசிய கட்சி மற்றும் சர்வஜன சக்தியால் சமர்ப்பிக்கப்பட்ட வேட்பு மனுக்களில் ஒரு வேட்பாளர் மட்டுமே நிராகரிக்கப்பட்டார்.

இறக்காமம் பிரதேச சபைக்கு 7 அரசியல் கட்சிகள் மற்றும் 2 சுயாதீனக் குழுக்கள் மொத்தம் ஒன்பது வேட்புமனுக்களை சமர்ப்பித்தன, அவற்றில் தேசிய காங்கிரஸின் வேட்புமனு நிராகரிக்கப்பட்டது.  அக்கரைப்பற்று பிரதேச சபைக்கு 06 அரசியல் கட்சிகள், 01 சுயாதீனக் குழுக்கள் உட்பட 07 வேட்பு மனுக்கள் சமர்ப்பிக்கப்பட்டன, அவற்றில் தேசிய ஜனநாயக கூட்டமைப்பு வேட்புமனு நிராகரிக்கப்பட்டது, தேசிய காங்கிரஸின் ஒரே ஒரு வேட்பாளர் மட்டுமே நிராகரிக்கப்பட்டார். 

பொத்துவில் பிரதேச சபைக்கு 10 கட்சிகள் மற்றும் 5 சுயாதீனக் குழுக்கள் உட்பட 15 வேட்புமனுக்கள் சமர்ப்பிக்கப்பட்டன, இதில் ஒரு சுயாதீன குழு, தேசிய காங்கிரஸ், ஸ்ரீலங்கா பொதுஜன முன்னணி 3 வேட்பு மனுவை நிராகரித்தது.

வி.ரி.சகாதேவராஜா