நாடளாவிய ரீதியில் கட்டுரை போட்டியை நடத்த ஏற்பாடு

Kogilavani / 2014 டிசெம்பர் 19 , மு.ப. 09:36 - 0 - {{hitsCtrl.values.hits}}

-கே.எல்.ரி.யுதாஜித்

புகழ் பூத்த எழுத்தாளர் அருள் செல்வநாயகத்தின் நினைவாக மாபெரும் திறந்த கட்டுரைப் போட்டியொன்று நாடளாவிய ரீதியில் நடத்தப்படவுள்ளது.

கிழக்கில் காலாண்டு சஞ்சிகையாக வெளிவரும், 'தென்றல்' சஞ்சிகை, எழுத்தாளர் அருள்செல்வநாயகம், குடும்பத்தாருடன் இணைந்து இப்போட்டியை வருடாவருடம் நடத்துவதற்கு திட்டமிட்டுள்ளார்.

'அருள்செல்வநாயகத்தின் படைப்புக்களில் சிறுகதையின் வகிபாகம' என்ற தலைப்பில் முதன்முதலாக இவ்வாண்டு நடைபெறவுள்ள இக்கட்டுரை போட்டியில் 18 வயதுக்கு மேற்பட்டோர் பங்குபெற்றலாம் என அறிவிக்கப்பட்டுள்ளது.

அனுப்பி வைக்கப்படும் கட்டுரைகள் 1000 சொற்களுக்குக் குறையாமலும் 1500 சொற்களுக்கு மேற்படாமலும் இருக்க வேண்டும் எனவும் தட்டச்சு அல்லது கணினி பிரதி விரும்பத்தக்கது எனவும் ஏற்பாட்டாளர்கள் தெரிவித்துள்ளனர்.

பிரதியில் பெயர் குறிப்பிடாது, பெயர் மற்றும் விலாச விபரங்களை தனியாக இணைத்து அனுப்ப வேண்டும் எனவும் கோரப்பட்டுள்ளது.

கட்டுரைகள் யாவும் எதிர்வரும் 30.03.2015க்கு முன்னர் கிடைக்;க கூடியதாக தபாலில் அனுப்பி வைக்கப்பட வேண்டும். இறுதி தினத்துக்குப் பின்னர் கிடைக்கும் கட்டுரைகள் நிராகரிக்கப்படும் எனவும் கட்டுரைகளை கட்டுரைப் போட்டி 'தென்றல்', இல- 44/1 பழைய கல்முனை வீதி, கல்லடி, மட்டக்களப்பு என்ற முகவரிக்கு அனுப்பி வைக்கவேண்டும் எனவும் அறிவிக்கப்பட்டுள்ளது.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .