நாடக களப்பயிற்சி பட்டறை

Kogilavani / 2014 செப்டெம்பர் 18 , மு.ப. 08:17 - 0 - {{hitsCtrl.values.hits}}

-எஸ்.குகன்

வலி.வடக்கு தெல்லிப்பளை பிரதேச செயலகத்தின் ஏற்பாட்டில் பிரதேச செயலகத்துக்குட்பட்ட மாணவர்களுக்கு நாடக களப்பயிற்சி பட்டறை பிரதேச செயலக மாநாட்டு மண்டபத்தில் புதன்கிழமை (17) நடைபெற்றது.

வடமாகாண பண்பாட்டலுவல்கள் திணைக்களத்தின் அனுசரணையில் இடம்பெற்ற இந்த பட்டறையை புத்தாக்க அரங்க இயக்கத்தினர் ஒழுங்குபடுத்தியிருந்தனர்.

தெல்லிப்பளை பிரதேச செயலாளர் க.ஸ்ரீமோகன் தலைமையில் இடம்பெற்ற இந்த பட்டறையில், தலைமைத்துவம், எண்ணக்கருவாக்கம், நெறியாள்கை, நடிப்பு போன்ற பல விடயங்கள் தொடர்பில் மாணவர்களுக்கு பயிற்சிகள் வழங்கப்பட்டன.

இந்த நாடக பயிற்சி பட்டறைக்கு புத்தாக்க அரங்க இயக்கத்தின் எஸ்.ரி.குமரன், எஸ்.ரி.அருள்குமரன், இரா.இதயராஸ், எஸ்.தேவமுகுந்தன், இ.வினோதன் ஆகியோர் வளவாளர்களாக கலந்துகொண்டு மாணவர்களுக்கு பயிற்சிகளை வழங்கினார்கள்.

இந்த பயிற்சி பட்டறையில் 50 மாணவர்கள் கலந்துகொண்டதுடன், பயிற்சிப்பட்டறையில் பங்குபற்றிய மாணவர்களால் தயாரிக்கப்பட்ட இரண்டு நாடகங்களின் ஆற்றுகையும் தனி நடிப்பும் இதன்போது இடம்பெற்றன.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .