மாற்றுத்திறனாளிகள் நிகழ்வும் நம்பிக்கை சஞ்சிகை வெளியீடும்

A.P.Mathan / 2014 ஜனவரி 31 , பி.ப. 04:16 - 0 - {{hitsCtrl.values.hits}}

-மாணிக்கப்போடி சசிகுமார்

சர்வதேச மாற்றுத்திறனாளிகள் தின நிகழ்வும் “நம்பிக்கை” சஞ்சிகை வெளியீடும் இன்று (31) மண்முனை மேற்கு வவுணதீவுப் பிரதேச செயலகத்தில் இடம்பெற்றது.

பிரதேச செயலக ஏற்பாட்டில் பிரதேச செயலாளர் வெ.தவராஜா தலைமையில் இடம்பெற்ற இந் நிகழ்வில் மாற்றுத் திறனாளிகளின் கலை நிகழ்வுகளும் தினத்தை முன்னிட்டு நடாத்தப்பட்ட கட்டுரை, கவிதை, ஓவியப் போட்டிகளில் வெற்றியீட்டியவர்களுக்கு பரிசில் வழங்கும் நிகழ்வும் இடம்பெற்றது.

கண்டிக்கப் சர்வதேச நிறுவனத்தின் அனுசரணையில் இடம்பெற்ற இந் நிகழ்வில் வெளியிடப்பட்ட நம்பிக்கை சஞ்சிகையானது மாற்றுத் திறனாளிகளின் ஆக்கங்கள் பாடசாலை மாணவர்கள் மத்தியில் நடாத்தப்பட்ட போட்டியில் தெரிவுசெய்யப்பட்ட ஆக்கங்களை உள்ளடக்கியதாக உள்ளது.

வவுணதீவுப் பிரதேச செயலகப் பிரிவில் உள்ள மாற்றுத்திறனாளிகள் பங்குபற்றிய இந் நிகழ்வில் உதவிப் பிரதேச செயலாளர் எஸ்.ராஜ்பாபு, மாவட்ட சமூக சேவை உத்தியோகஸ்தர் சா.அருள்மொழி, கண்டிக் கப் சர்வதேச நிறுவனத்தின் திட்ட அதிகாரி ரி.கிறிஸ்ரி, வாழ்வகம் அமைப்பின் ஆலோசகர் ரி.கேசவநாதன் ஆகியோர் அதிதிகளாகக் கலந்துகொண்டனர்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .