சகோதரிகளின் பரதநாட்டிய அரங்கேற்றம்

Kogilavani / 2013 டிசெம்பர் 13 , மு.ப. 04:59 - 0 - {{hitsCtrl.values.hits}}

நவரத்தினம் கபில்நாத்

வவுனியா நிருத்திய நிகேதன நுண்கலை கல்லூரியின் அதிபர் நாட்டிய கலாரத்தினா. முதுகலை மாணி திருமதி சூரியயாழினி வீரசிங்கத்தின் சிரேஷ்ட மாணவர்களான பரதகலா வித்தகர், நுண்கலைமாணி தர்சினி செல்வராஜா மற்றும் பரதகலாவித்திகர் கலைமாணி (சிறப்பு) பிரிந்திகா செல்வராஜா ஆகியோரின் அரங்கேற்ற நிகழ்வு ஞாயிற்றக்கிழமை மாலை 2 மணிக்கு வவனியா கலாசார மண்டபத்தில் இடம்பெறவுள்ளது.

இந்நிகழ்வின் பிரதம விருந்தினராக வட மாகாண சுகாதார அமைச்சர் வைத்தியகலாநிதி ப.சத்தியலிங்கமும் யாழ்.பல்கலைக்கழகத்தின் புவியியற்துறை தலைவர் பேராசிரியர் கலாநிதி எஸ்.ரி.பி.இராஜேஸ்வரனும் கலந்து கொள்ளவுள்ளதுடன் முதன்மை விருந்தினராக வட மாகாணசபை உறுப்பினர் ஜி.ரி.லிங்கநாதனும் கலாபூசணம் சாரதாதேவி ஸ்ரீஸ்கந்தராஜாவும் கலந்துகொள்வுள்ளனர்.

கௌரவ விருந்தினர்களாக வவுனியா அரசாங்க அதிபர் பந்துல ஹரிச்சந்திரவும் வவுனியா பிரதேச செயலாளர் கா. உதயராசாவும் கலந்து சிறப்பிக்கவுள்ளனர்.

இவ்அரங்கேற்றத்தில் நடன அமைப்பு நட்டுவாங்கத்தினை நாட்டிய கலாரத்தினா, முதுகலை மாணி திருமதி சூரியயாழினி வீரசிங்கமும் பாட்டினை சங்கீத சிரோண்மணி வதனி ஸ்ரீதரனும் மிருதங்கத்தினை கலாபூசணம் கந்தையா கனகேஸ்வரனும் வயலினை கலாபூசணம் விமலலோஜினி கனகேஸ்வரனும் புல்லாங்குழலை கலாவித்திகர் கணராசா நக்கீரனும் கபேலாவை வவனியா கண்ணதாசன் ஞானவேல் வசந்தும் வழங்கவுள்ளனர்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .