இந்திய திரைப்பட விருது வழங்கும் நிகழ்வில் ஆறு விருதுகளை தட்டிச்சென்ற இலங்கை குறும்படம்

Kogilavani / 2012 நவம்பர் 07 , மு.ப. 11:50 - 0 - {{hitsCtrl.values.hits}}

(ரி.லோஹித்)
இலங்கையைச் சேர்ந்த இளம் படைப்பாளியான பத்மநாதன் கோவர்த்தனனால் தயாரிக்கப்பட்ட 'நானும் ஒரு தாய்' குறும்படம் இந்தியாவில் நடைபெற்ற 2012ஆம் ஆண்டுக்கான விருது வழங்கும் நிகழ்வில் ஆறு விருதுகளை பெற்றுள்ளது.

மலையகத்தை பூர்வீகமாகவும் மட்டக்களப்பில்; பிறந்து தென் இந்தியாவில் தனது உயர் கல்வியினை (ஹோட்டல் முகாமைத்துவம்) கற்று வரும் இளம் படைப்பாளியான பத்மநாதன் கோவர்த்தனன், 'நானும் ஒரு தாய்' குறும்படத்தினூடாக இளம் தலைமுறையினருக்கு முன் உதாரணமாக
திகழ்வதுடன் மட்டுமல்லாமல் மட்டக்களப்பு மண்ணுக்கும் தான் கல்விக் கற்ற புனித மைக்கல் கல்லூரிக்கும் பெருமைதேடி கொடுத்துள்ளார்.

தனது உயர் கல்வியினை கற்றுக்கொண்டிக்கும் போதே குறும் படங்கள் மீது கொண்ட இவர் தென்னிந்திய திரை இயக்குனர் மட்டக்களப்பைச் சேர்ந்த பாலு மகேந்திராவின் பயிற்சி பட்டறையில் மூன்று மாத நடிப்பு பயிற்சியும் ஒரு வருட இயக்குனர் பயிற்சியையும் பெற்றுக்கொண்டு பெற்று இக் குறும்படத்தை உருவாக்கியுள்ளார்.

இக்குறும்படமானது பல்வேறு சாதனைகளைத்தாண்டி வருகிறது. இதுவரை சென்னை, கன்னியாகுமரி, கேரளாவில் நடைபெற்ற அகில இந்திய ரீதியிலான விருது வழங்கும் நிகழ்வில் ஐந்து இந்திய விருகளை இக்குறும்படம் பெற்றுக்கொண்டுள்ளது.

CHEM FEST-2012 (BEST SHORT FILM), LOYOLA FEST-2012 (SPL JURY AWARD) , ETHIRAJ RHAPSODY-2012 (BEST SHORT FILM), KANYAKUMARI-NAGERKOL-2012 (SPL JURY AWARD), LOHITHADAS NATIONAL SHORT FILM FEST-2012 (SPL JURY AWARD FOR BEST ACTRESS) ஆகிய விருதுகளை இக்குறும்படம் தட்டிச்சென்றுள்ளது.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .