மதுரக்குயில் இசைப்போட்டி

(கஜன்)

திருகோணமலை ரொட்டறி கழகம் நடத்திய மதுரக்குயில் இசைப்போட்டியின் இறுதி போட்டி நேற்று ஞாயிற்றுக்கிழமை புனித சூசையப்பர் கல்லூரியில் நடைபெற்றது.

2010 ஆம் வருடம் மார்கழி மாதம் தொடக்கப்பட்ட இப்போட்டியில் 160 போட்டியாளர்கள் கலந்து கொண்டனர்.

நேற்றைய இறுதி போட்டியில் ஆறு பேர் பங்கு கொண்டார்கள். இவர்களில் தங்கவடிவேல் தக்சாந் முதலாம் இடத்தினை பெற்று 100,000 பண பரிசினையும் இரண்டாம் இடத்தினை  கிருஷ்ணன்  சுதன் பெற்று 50,000 பண பரிசினையும் மூன்றாம் இடத்தினை அஸ்வினி மேரியன் மரியநேசம் பெற்று 25,000 பண பரிசினையும் பெற்றுக்கொண்டனர்.

இலங்கையின் முன்னணி பாடகர்களான ரகுநாதன், மகிந்தகுமார் மற்றும் முருகேசு ஆகியோர் இப்போட்டியின்  நடுவர்களாக  கலந்து வெற்றியாளர்களைத் தெரிவுசெய்தனர்.