யாழில் 14 கலைஞர்கள் விருது வழங்கிக் கௌரவிப்பு

Suganthini Ratnam / 2013 டிசெம்பர் 24 , மு.ப. 09:37 - 0 - {{hitsCtrl.values.hits}}

-எஸ்.குகன்

வலி. வடக்கு தெல்லிப்பழை பிரதேச செயலகத்தைச் சேர்ந்த 14 கலைஞர்களுக்கு 'கலைச்சுடர்' விருது வழங்கிக் கௌரவிக்கும் நிகழ்வு இன்று செவ்வாய்க்கிழமை காலை நடைபெற்றது.

தெல்லிப்பழை பிரதேச செயலக கலாசார மண்டபத்தில் பிரதேச கலாசாரப் பேரவையின் தலைவர் க.சிறிமோகனன் தலைமையில் இந்த நிகழ்வு நடைபெற்றது.

இவ்வாறு 'கலைச்சுடர்' விருது வழங்கி கௌரவிக்கப்பட்டுள்ள கலைஞர்களில் கலாபூசணம் விருது பெற்ற 04 கலைஞர்களும் அடங்குகின்றனர்.

மேலும், பிரதேச கலாசாரப் பேரவையினால் நடத்தப்பட்ட கலை இலக்கியப் போட்டியில் வெற்றி பெற்றவர்களுக்கு பரிசில்களும் வழங்கப்பட்டன.

இதன்போது மாலாதேவி மதிவதனன் நெறியாக்கம் செய்த 'காலம் கனியும்' என்ற கவியரங்கமும் புத்தாக்க அரங்க இயக்கக் கலைஞர்கள் நடித்த 'தரிசனங்கள்' என்ற நாடகமும் நகுலேஸ்வரம் சிறுவர் கழக மாணவி சிந்துஜா சிவணேஸ்வரனின் தனிநடனமும் நடைபெற்றன.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .