புலிகளைப் போலவே அரசாங்கமும் செயற்படுகிறது: ஆனந்தசங்கரி

தமிழீழ விடுதலைப் புலிகள் இருக்கின்ற காலத்தில் பொதுமக்களின் காணிகளை எப்படியெல்லாம் பலவந்தமாக பறிந்தெடுத்தார்களோ அதேபோல்தான் இப்பொழுது இலங்கை அரசாங்கமும் பொதுமக்களின் காணிகளை பலவந்தமாக பறித்தெடுக்கிறது என தமிழர் விடுதலை கூட்டணியின் தலைவர் வீ.ஆனந்தசங்கரி, தமிழ்மிரர் இணையத்தளத்திற்கு வழங்கிய விசேட செவ்வியில் குறிப்பிட்டுள்ளார்.

வடக்கில் இடம்பெயர்ந்த பொதுமக்களின் காணிகள் அத்துமீறி சூறையாடப்படுவதாக வரும் குற்றச்சாட்டுகள் தொடர்பாக ஆனந்தசங்கரியிடம் கேட்டபோதே அவர் மேற்கண்டவாறு தெரிவித்தார்.

தொடரும் அநியாயங்களை அடக்குவதற்காக வடமாகாணசபை தேர்தலில் தனது கட்சி போட்டியிடும் என்றும் தமிழ் மக்களுக்காக தான் ஆற்றிய சேவையினை தான் இல்லாத காலத்தில் நிச்சயமாக புரிந்துகொள்வார்கள் என்றும் மேலும் ஆனந்தசங்கரி தனது பேட்டியில் தெரிவித்தார்.

தமிழ்மிரர் இணையத்தளத்திற்கு வழங்கிய விசேட பேட்டியின் முழுவிபரங்களையும் காணொளியில் காணலாம்.