1807: அடிமைகளை இறக்குமதி செய்வதற்கு தடைவிதிக்கும் சட்டம் அமெரிக்க பாராளுமன்றத்தில் நிறைவேற்றப்பட்டது.

1815: ஸ்ரீ விக்கிரம ராஜசிங்க மன்னனின் ஆட்சியை ஒழிப்பதற்கான கண்டி ஒப்பந்தம் ஆங்கிலேயர்களுக்கும் கண்டிய தலைவர்களுக்கும் இடையில் கையெழுத்திடப்பட்டது. இந்த ஒப்பந்த்தின் மூலம் இலங்கை முழுவதும் பிரித்தானியரின் ஆட்சியின்கீழ் வந்தது.

1903: பெண்களுக்கு மாத்திரமான முதலாவது ஹோட்டலான 'மார்தா வாஷிங்டன் ஹோட்டல்' நியூயோர்க்கில் திறக்கப்பட்டது.

1946: ஹோ சி மின், வடக்கு வியட்னாமின் ஜனாதிபதியானார்.

1956: பிரான்ஸிடமிருந்து மொராக்கோ சுதந்திரம் பெற்றது.

1969: பிரித்தானிய, பிரெஞ்சு கூட்டுத் தயாரிப்பான கொன்கோர்ட் விமானம் தனது முதல் பறப்பை மேற்கொண்டது.

1970:  பிரித்தானியாவிடம் இருந்த பிணைப்பைத் துண்டித்த ரொடீசியா, தன்னைக் குடியரசாக அறிவித்தது.

1972: நாசாவின் பயனியர் 10 விண்கலம், வெளிக் கோள்களை ஆராய்வதற்காக புளோரிடாவில் இருந்து ஏவப்பட்டது.

1990: ஆபிரிக்க தேசிய காங்கிரஸ் உப தலைவராக நெல்சன் மண்டேலா நியமிக்கப்பட்டார்.

1991: வெளிவிவகார, பெருந்தோட்டக் கைத்தொழில் அமைச்சரும், பிரதி பாதுகாப்பு அமைச்சருமான ரஞ்சன் விஜேரத்தின கொழும்பில் நடைபெற்ற எல்.ரி.ரி.யின் தற்கொலை குண்டுத் தாக்குதலில் கொல்லப்பட்டார்.

1992: உஸ்பெக்கிஸ்தான், மல்தோவா ஆகியன ஐ.நா.வில் இணைந்தன.

1995: யாஹூ தொடங்கப்பட்டது.

1998: ஜூப்பிட்டரின் சந்திரனான "யூரோப்பா"வில் அடர்ந்த பனிக்கட்டியின் கீழ் திரவநிலையில் கடல் இருப்பதாக கலிலியோ விண்கலம் தகவல் அனுப்பியது.

2002: ஆப்கானிஸ்தான் மீதான ஐக்கிய அமெரிக்காவின் அனகோண்டா தாக்குதல் ஆரம்பமாகியது.

2004: ஈராக்கில் நடைபெற்ற அல் குவைதாவின் தாக்குதலொன்றில் 170 பேர் கொல்லப்பட்டனர்.