iOS 9 ஸபாரியில் மொஸிலாவின் Content Blocker

அப்பிளின் இயங்குதளமான iOS 9 இன் அப்பிளின் இணைய உலாவியான ஸபாரிக்கான Content Blockerஐ Disconnect blocklistஐ அடிப்படையாக கொண்டு Focus by Firefox எனும் செயலியை பயர்பொக்ஸ் தயாரிப்பாளரான மொஸிலா, செவ்வாய்க்கிழமை (08) அறிமுகப்படுத்தியுள்ளது.

இந்த Content Blocker ஆனது மற்றைய Content Blockerகளைப் போன்று தனித்து விளம்பரங்களை மட்டும் தடுக்காமல், இது, குறிப்பிட்ட வகையான விளம்பரங்களை தடுப்பதுடன், தற்போது அலைபேசி உலாவிகளில் எம்மைப் பின் தொடருகின்ற பகுப்பாய்வு, சமூக வலைத்தள பின் தொடரிகளையும் தடுக்கவுள்ளது.

மேற்படி முறைமையிலேயே தனது தனிப்பட்ட இணைய உலாவி சேவையில்,  கண்காணிக்கப்படுவதிலிருந்து தடுக்கப்படும் பாதுகாப்பு முறைமையை தனது பயனர்களுக்கு பயர்பொக்ஸ் வழங்கியிருந்தது.

இந்த Content Blocker முறைமையானது, முற்றிலும் புதிதாக இல்லாவிட்டாலும் இந்தச் சேவையை அப்பிள் ஆனது, iOS இயக்குதளத்தில் உள்ள ஸபாரிக்கு கொண்டு வர முடிவெடுத்தமை அதிசயிக்கத்தக்கது.

இதேவேளை, iOS இயங்குதளத்தில் மொஸிலாவின் சொந்த அலைபேசி இணைய உலாவியான பயபொக்ஸ் இருக்கின்ற போதும் மேற்படிச் சேவையை அதில் பெற்றுக்கொள்ள முடியாது என்பது குறிப்பிடத்தக்கது. ஏனெனில் மூன்றாவது நபர் content blockersஐ அப்பிள் அனுமதிப்பதில்லை.

தவிர, அன்ரொயிட் இயங்குதளத்தில் மேற்படிச் சேவையை மொஸிலா அறிமுகப்படுத்தாது என்பதே எதிர்பார்க்கப்படுகிறது. ஏனெனில், அன்ரொயிட்டில் உள்ள பயபொக்ஸில் Private Browsing mode ஏற்கனவே உள்ளது.