சூரிய சக்தியில் உலகை சுற்றும் முதலாவது விமானம்

முற்று முழுதாக சூரிய சக்தியில் இயங்கும் விமானமானது உலகத்தை சுற்றும் தனது பயணத்தை ஆரம்பித்துள்ளது.

இன்று திங்கட்கிழமை(09) அபுதாபி நகரிலிருந்து இந்த விமானம் தனது முதலாவது உலகளாவிய பயணத்தை ஆரம்பித்துள்ளது.

அடுத்துவரும், 5 மாதங்களில்; பசுபிக் மற்றும் அட்லாண்டிக் கடலை கடந்து இந்த விமானம் பயணிக்கும் என கூறப்படுகின்றது.

அத்துடன் உலகின் பல்வேறு பாகங்களிலும் தரித்து நின்று தனது பயணத்தை இந்த விமானம் தொடரும்.

விமானத்தை செலுத்தும் விமானிகள், தொடர்ந்து 5 நாட்கள் இரவும் பகலும் பயணிக்க வேண்டிய சவாலை சந்திக்க வேண்டியுள்ளதாக தெரிவிக்கப்படுகின்றது.

இந்த விமானமானது எரிபொருளை பயன்படுத்தாமல் சூரிய சக்தியை மாத்திரம் பயன்படுத்தி, 21,750 மைல் தூரம் பயணிக்கவுள்ளது.