கழிவறைகளை பயன்படுத்துவது எப்படி?; மாணவர்களுக்கு பாடம் நடத்தும் பல்கலைக்கழகம்

பிரிட்டனிலுள்ள பல்கலைக்கழகமொன்று கழிவறைகளை பயன்படுத்தும் முறை குறித்து தனது மாணவர்களுக்கு சுவரொட்டி மூலம் பாடம் நடத்துகிறது.

வேல்ஸ் பிராந்தியத்திலுள்ள ஸ்வான்ஸீ பல்கலைக்கழகமே 18 வயது கடந்த மாணவர்களுக்கு இவ்வாறு பாடம் நடத்துகிறது. ஆண், பெண் இருபாலாரின் கழிவறைகளிளும் பல்கலைக்கழகத்தின் முக்கிய இடங்கள் பலவற்றிலும் இச்சுவரொட்டிகள் ஒட்டப்பட்டுள்ளன.

வெளிநாடுகளிலிருந்து வரும் மாணவர்கள் பலர் மேற்கத்தேய கழிவறைகளை பயன்படுத்துவதற்குத் தெரியாதவர்களாக இருப்பதே இதற்குக் காரணம் என பல்கலைக்கழக நிர்வாகம் கூறியுள்ளது.  இப்பல்கலைக்கழத்தில் சுமார் 18000 மாணவர்கள் கல்வி கற்கின்றமை குறிப்பிடத்தக்கது.

கழிவறையில் அமரும் முறை, கழிவறை கடதாசிகள், ஆரோக்கிய துவாய்கள், கைதுடைக்கும் துவாய்களை பயன்படுத்தியபின் என்ன செய்வது என்பன போன்ற விளக்கங்கள் இச்சுவரொட்டிகளில் உள்ளன.

கழிவறைகளை முறையாக பயன்படுத்தப்படாமை குறித்து பல புகார்கள் வந்ததால் இந்நடவடிக்கை இந்த அறிவுறுத்தல்கள் விடுக்கப்பட்டுள்ளதாக பல்கலைக்கழக அதிகாரிகள் தெரிவித்துள்ளனர்.

கலாசார வேறுபாடுகள் துரதிஷ்டவசமாக சுகாதார விடயங்களில் பாதிப்பை ஏற்படுத்துவதால் இச்சுவரொட்டிகள் தயாரிக்கப்பட்டதாக பல்கலைககழக பேச்சாளர் ஒருவர் தெரிவித்துள்ளார். சுவரொட்டிகள் ஒட்டப்பட்டதையடுத்து நிலைமையில் முன்னேற்றம் ஏற்பட்டுள்ளதாகவும் அவர் கூறினார்.

எனினும் இச்சுவரொட்டிகளுக்கு சிலர் ஆட்சேபம் தெரிவித்துள்ளனர்.

'பல்கலைக்கழகத்திற்கு தெரிவாகுவதற்கு நாம் உயர்தரத்தில் சிறந்த பெறுபேறுகளை பெற்றிருக்க வேண்டும். ஆனால் எமக்கு  மலசலக்கூடத்தை எப்படி பயன்படுத்துவது எனத் தெரியாதா?' என சட்டத்துறை மாணவியான ஸ்டெபானி பீரிடி கூறியுள்ளார்.

'இச்சுவரொட்டிகள் ஜோக் அல்ல என உணரும்வரை இதை வேடிக்கையானதாக கருதினோம்' என ஹன்னா புரோஸர் என்பவர் கூறியுள்ளார்.

கழிவறைகளை பயன்படுத்துவது எப்படி? மாணவர்களுக்கு பாடம் நடத்தும் பல்கலைக்கழகம்

பிரிட்டனிலுள்ள பல்கலைக்கழகமொன்று கழிவறைகளை பயன்படுத்தும் முறை குறித்து தனது மாணவர்களுக்கு சுவரொட்டி மூலம் பாடம் நடத்துகிறது.

வேல்ஸ் பிராந்தியத்திலுள்ள ஸ்வான்ஸீ பல்கலைக்கழகமே 18 வயது கடந்த மாணவர்களுக்கு இவ்வாறு பாடம் நடத்துகிறது. ஆண், பெண் இருபாலாரின் கழிவறைகளிளும் பல்கலைக்கழகத்தின் முக்கிய இடங்கள் பலவற்றிலும் இச்சுவரொட்டிகள் ஒட்டப்பட்டுள்ளன.

வெளிநாடுகளிலிருந்து வரும் மாணவர்கள் பலர் மேற்கத்தேய கழிவறைகளை பயன்படுத்துவதற்குத் தெரியாதவர்களாக இருப்பதே இதற்குக் காரணம் என பல்கலைக்கழக நிர்வாகம் கூறியுள்ளது.  இப்பல்கலைக்கழத்தில் சுமார் 18000 மாணவர்கள் கல்வி கற்கின்றமை குறிப்பிடத்தக்கது.

கழிவறையில் அமரும் முறை, கழிவறை கடதாசிகள், ஆரோக்கிய துவாய்கள், கைதுடைக்கும் துவாய்களை பயன்படுத்தியபின் என்ன செய்வது என்பன போன்ற விளக்கங்கள் இச்சுவரொட்டிகளில் உள்ளன.

கழிவறைகளை முறையாக பயன்படுத்தப்படாமை குறித்து பல புகார்கள் வந்ததால் இந்நடவடிக்கை இந்த அறிவுறுத்தல்கள் விடுக்கப்பட்டுள்ளதாக பல்கலைக்கழக அதிகாரிகள் தெரிவித்துள்ளனர்.

கலாசார வேறுபாடுகள் துரதிஷ்டவசமாக சுகாதார விடயங்களில் பாதிப்பை ஏற்படுத்துவதால் இச்சுவரொட்டிகள் தயாரிக்கப்பட்டதாக பல்கலைககழக பேச்சாளர் ஒருவர் தெரிவித்துள்ளார். சுவரொட்டிகள் ஒட்டப்பட்டதையடுத்து நிலைமையில் முன்னேற்றம் ஏற்பட்டுள்ளதாகவும் அவர் கூறினார்.

எனினும் இச்சுவரொட்டிகளுக்கு சிலர் ஆட்சேபம் தெரிவித்துள்ளனர்.

'பல்கலைக்கழகத்திற்கு தெரிவாகுவதற்கு நாம் உயர்தரத்தில் சிறந்த பெறுபேறுகளை பெற்றிருக்க வேண்டும். ஆனால் எமக்கு  மலசலக்கூடத்தை எப்படி பயன்படுத்துவது எனத் தெரியாதா?' என சட்டத்துறை மாணவியான ஸ்டெபானி பீரிடி கூறியுள்ளார்.

'இச்சுவரொட்டிகள் ஜோக் அல்ல என உணரும்வரை இதை வேடிக்கையானதாக கருதினோம்' என ஹன்னா புரோஸர் என்பவர் கூறியுள்ளார். (டெய்லி மெயில்)