தேர்தலுக்காக ஆபாச சுவரொட்டிகள்; பெண் வேட்பாளரின் அதிரடி பிரசாரம்

ஸ்பெய்ன் நாட்டில் உள்ளூராட்சித் தேர்தலில் போட்டியிடும் பெண் வேட்பாளர் ஒருவர் வாக்காளர்களைக் கவர்வதற்காக அதிரடி நடவடிக்கைகளை மேற்கொள்கிறார்.

சோல் சான்செஸ் எனும் இந்த வேட்பாளர்  தனது அரை  நிர்வாண, ஆபாசப் படங்கள் கொண்ட சுவரொட்டிகளை அச்சிட்டு தேர்தல் பிரசாரங்களை மேற்கொள்கிறார்.

ஒரு சுவரொட்டியில் சோல் சான்செஸின் மார்பங்களில் பின்னாலுள்ள ஆண் ஒருவர் கைவைத்திருக்கும் காட்சியும் உள்ளது.

ஸ்பெய்ன் ஜனநாயகக் கட்சியைச் சேர்ந்த சோல் சான்செஸின் அதிரடி நடவடிக்கைகளைக் கண்டு கலங்கிப் போன எதிரணி வேட்பாளர்கள் இது தொடர்பாக அதிகாரிகளிடம் புகாரிட்டுள்ளனர். சோல் சான்செஸ் தனது உடலை பாலியல் ரீதியில் தேர்தல் பிரசாரத்திற்கு பயன்படுத்துவதாக அவர்கள் கூறுகின்றனர். பெண்ணுரிமை வாதிகளும் போர்க்கொடி தூக்கியுள்ளனர்.

இது தொடர்பாக சான்செஸ் பதிலளிக்கையில், 'என்னைவிட வேறு யாரும் அதிக பெண்ணுரிமைவாதியல்ல. ஒவ்வொருவருக்கும் அவரவர்கள் விரும்பும்வரை தம்மை வெளிப்படுத்த உரிமை உள்ளது. நான் எனது விருப்பத்திற்கேற்ப உடலையும் மார்பகங்களையும் பயன்படுத்துகிறேன். அவர்களால் (எதிரணியினரால்) அதை பார்த்துக்கொண்டிருக்க மாத்திரம்தான் முடியும். அதுதான் அவர்களின் பிரச்சினை' எனக் கூறியுள்ளார்.