'இரண்டரை வயதுவரை தாய்ப்பால் அவசியம்'

(சந்துன் ஏ ஜயசேகர)

முன்னிலை பால்மா இறக்குமதி நிறுவனமொன்றினால் குழந்தைகளுக்கான தமது பாலுணவுப் பொருட்களின் விற்பனையை ஊக்குவிப்பதற்குக் கையாளும் தந்திரோபாயங்கள் அநாகரிகமானவை,  முறையற்றவை எனவும் தாய்ப்பாலுக்கு ஈடான உணவு கிடையாது  எனவும் சிறுவர் மருத்துவம் தொடர்பான நிபுணர் பேராசிரியர் நாரத வர்ணசூரிய இன்று தெரிவித்தார்.
 

சிறுவர் வளர்ச்சியிலும் வாழ்க்கை முழுவதுமான ஆரோக்கியத்திலும் தாய்ப்பாலூட்டல் வகிக்கும் பங்கு என்ற தலைப்பில் நடத்திய விரிவுரையொன்றின்போது அவர் இவ்வாறு கூறியுள்ளார்.

"மனிதர்களால் தயாரிக்கப்படும் எந்தவொரு உணவுப் பொருளும் தரத்திலோ தூய்மையிலோ போஷாக்கிலோ தாய்ப்பாலுக்கு மாற்றீடாக முடியாது. 

சில தனியார் நிறுவனங்கள் சந்தைப்படுத்தும் எந்தவொரு  பால் மாவில் கூறப்படுவதைப் போன்று மேலதிக சக்தியோ உடல் உள வளர்ச்சியை ஊக்குவிப்பதற்கான விசேட  தன்மையோ நோய்களிலிருந்து பாதுகாக்கும் ஆற்றலையோ கொண்டிருக்கவில்லை.

குழந்தையின் முதல் 5 வருடங்களில் உடல் உள வளர்ச்சியே அதன் எதிர்காலத்தை தீர்மானிக்கிறது. இப்பருவத்தில் தாய்ப்பாலூட்டுவது அவசியமானது. குழந்தையை நோய்களிலிருந்து பாதுகாப்பதற்கு முதல் 6 மாதங்கள் பிரதான உணவாக தாய்ப்பாலூட்டுவது மிக அவசியமானது.
குழந்தையின் முதல் 6 மாத கால சுமுக வளர்ச்சிக்குத் தேவையான சகல போஷாக்குகளும் தாய்ப்பாலில் அடங்கியுள்ளன.

குழந்தையின் ஆரோக்கியமான வளர்ச்சிக்கு குறைந்தபட்சம் இரண்டரை வயதுவரை தாய்ப்பாலூட்டுவது அவசியம்.
குழந்தைகள் திண்ம உணவுகளிலிருந்து சாதாரண உணவுகளுக்கு படிப்படியாக மாறுவதற்கு  தாய்மார் பழக்க வேண்டும். ஒரே தடவையில் சாதாரண உணவுகளை உட்கொள்ள மறுத்தால் கரைக்கப்பட்ட  உணவிலிருந்து சாதாரண உணவுக்கு மாறப் பழக்க வேண்டும்" எனவும் அவர் கூறினார்.