யாழில் க்ளோகல் கண்காட்சி - 2023

Freelancer / 2023 ஜூலை 07 , பி.ப. 02:30 - 0 - {{hitsCtrl.values.hits}}

டி.விஜித்தா

வெளிநாட்டு வேலைவாய்ப்புகள் தொடர்பான பிரச்சினைகளுக்கான தீர்வுகள் உள்ளிட்ட பல சேவைகளுக்கான விழிப்புணர்வுச் செயற்றிட்டமும் கண்காட்சியும், இம்மாதம் யாழில் நடைபெறவுள்ளது.

“க்ளோகல் 2023” எனும் தொனிப்பொருளில், 15 மற்றும் 16 ஆம் திகதிகளில் முற்பகல் 09 மணி முதல் முற்றவெளித் திடலில் நடைபெறவுள்ளது.

க்ளோகல் 2023, தொழில் மற்றும் வேலைவாய்ப்பு அமைச்சின் ஊடாக உள்நாட்டு மற்றும் வெளிநாட்டு நிறுவனங்களின் பங்களிப்போடு, சர்வதேச மற்றும் உள்நாட்டு வேலைவாய்ப்புக்களுக்காக காத்திருக்கும் இளைஞர், யுவதிகளுக்கான செயற்றிட்டம் ஆகும்.

வெளிநாட்டுத் தொழில்கள் தொடர்பான பிரச்சினைகளுக்கு தீர்வு மற்றும் வேலைவாய்ப்பு, ஊழியர் சேமலாப நிதி, ஊழியர் நம்பிக்கை நிதியம் மற்றும் தொழில்கள் தொடர்பான பிரச்சினைகளுக்கு தீர்வுகள், ஆலோசனைச் சேவைகள், பெற்றுக்கொண்ட திறன்களுக்கான அரசாங்கச் சான்றிதழ்கள், தொழிற்துறை பயிற்சிக்கான வாய்ப்புக்கள் மற்றும் வழிகாட்டுதல்கள், மாற்றுத்திறனாளிகளுக்கான தொழில் பயிற்சிகள் மற்றும் வேலைவாய்ப்பு, தொழிலாளர்களுக்கான கல்வி வாய்ப்புகள், உற்பத்திதிறன் ஊக்குவிப்பு நிகழ்ச்சித் திட்டங்கள் கண்காட்சியில் பகிரப்படவுள்ளன.

அத்துடன், இளைஞர் - யுவதிகளுக்கு விழிப்புணர்வை ஏற்படுத்தும் வகையில் செயற்றிட்டங்களும் முன்னெடுக்கப்படவுள்ளன. (N)

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .