’போதைப்பொருள் கடத்தலுக்கு துணை போக கூடாது’

எம். றொசாந்த் 

போதைப்பொருள் கடத்தலுக்கு வடக்கு மீனவர்கள் துணை போக கூடாது எனவும் , அவ்வாறு கடத்தலில் ஈடுபடுபவர்கள் தொடர்பில் தகவல்கள் தெரிந்தால் அதனை பாதுகாப்பு தரப்பினருக்கோ , பொலிஸாருக்கோ தெரியப்படுத்த வேண்டும் என யாழ்ப்பாணம் ஆரிய குளம் நாக விகாரை விகாராதிபதி மீனவர்களிடம் கோரியுள்ளார். 

வடக்கில் அமைக்கப்படும் கடலட்டை பண்ணைகள் தொடர்பில் , யாழ். மாவட்ட மீனவர் சங்க பிரதிநிதிகள் நேற்றைய தினம் (08) செவ்வாய்க்கிழமை விகாராதிபதியை சந்தித்து கலந்துரையாடினார்கள். 

அதன் போது மீனவர்களுடன் கலந்துரையாடிய விகாராதிபதி , வடக்கில் போதைப்பொருள் பாவனைகள் அதிகரித்துள்ளன. பெரும்பாலான போதைப்பொருட்கள் தமிழகத்தில் இருந்து கடல் வழியாக வடக்கு மீனவர்களின் உதவிகளுடன் வடக்குக்கு கடத்தி வரப்படுகின்றன என தெரிவிக்கப்படுகிறது. 

எனவே கடற்தொழிலுக்கு செல்வோர் போதைப்பொருள் கடத்தல் தொடர்பாக விழிப்புடன் இருந்து , போதைப்பொருள் கடத்தலை தடுத்து நிறுத்த வேண்டும் என தெரிவித்துள்ளார். (a)